زيزي عادل: حمامات ’’ستار أكاديمي‘‘ كان فيها كاميرات.. ولو رجع بيا الزمن مكنتش هشارك فيه (فيديو)

قالت الفنانة المعتزلة زيزي عادل، كواليس مشاركتها في برنامج ستار أكاديمي في بداية مشوارها الفني.

وأضافت زيزي في برنامج "كلام الناس" المعروض على قناة MBC مصر وتقدمه المذيعة ياسمين عز:"في كل حتة في ستار أكاديمي كان فيه كاميرا، الحمامات كان فيها كاميرات، بس مش في التواليت نفسه، لكن أمام الأحواض والمرايات، وانتي بتغسلي ايدك ووشك فيه كاميرات، ودي حاجة شوية بتضايق، وأول كام يوم كنت حاسة اني متراقبة".

وتابعت: "بصراحة لو رجع بيا الزمن أكيد مكنتش هروح عشان قراراتي دلوقتي وتغيير فكري وتقربي من ربنا يخليني أقول ياريتني معملتهاش، بس أنا مش بندم لإن كل حاجة لها ترتيب ولسبب معين".

وتابعت "ستار أكاديمي تجربتي بداية النجاح والانطلاقة، بعد البرنامج نزلت لقيت نفسي مشهورة مع إن مكانش عندي أغاني ولا ألبومات بس مشهورة كإني بقالي 10 سنين بغني، مصدقتش استقبال الناس في المطار لان هناك مفيش تليفزيون ولا كان معايا موبايل مكنتش اعرف إيه اللي بيحصل برة، بعد ما بتطلعي بيحصل صدمة انك مشهورة ومعروفة".

رابط الفيديو: https://youtu.be/QfgmLG7eUwE