«السر مش في الدايت».. الفنانة ندى رحمي تصدم جمهورها بعد خسارة 80 كيلو من وزنها.. وتتصدر جوجل

الموجز    

أثارت الفنانة ندى رحمي حالة كبيرة من الجدل بعد ظهورها مع الإعلامي شريف عامر في حلقة خاصة، وقد خسرت الكثير من وزنها وبدت بشكل مختلف تماماً عن الشكل الذي تعود الجمهور عليه.

وكشفت الممثلة ندى رحمى، خلال حوارها ببرنامج "يحدث في مصر"، كواليس خسارتها الكبيرة للوزن حيث خسرت 80 كيلو من وزنها، وخضعت لعملية تكميم معدة.

وقالت الفنانة: "أنا قررت أخس علشان نفسي علشان صحتي دي ربنا هيحاسبني عليها بعيدا عن أي حاجة، ثم كلام الناس لأن أنا كان بيجيلي مسدجات على انستجرام كلام اللي ينفع منه يتقال على التليفزيون أنتى بيطلعوكي في التليفزيون إزاي".

وأشارت ندى إلى أن متابعيها كانوا يعلّقون على صورها بـ "أنتِ بتنامي على سرير زينا ولا بتنامي على صب، أنتِ بتروحي عند منجد"، مضيفة: "مينفعش أرد علشان الاسكرين شوت، فقررت إن تمام أنتو شايفين إن ملامحي مش كويسة، وهبقي كويسة لو خسيت، فحاضر هخس".

وأضافت: "بعد عملية تكميم المعدة عندي محرمات مفيش سكر ومع قطع السكر بتبدأ تعتاد على الطعم الأساسي للأشياء".

وقالت ندى: "العملية مش صعبة لأني كنت وصلت لوزن وكان سني صغير وممكن أخس بدايت بس الأكل وصلت معاه أن هو بقا وسيلة إسعادي وحتى لو خسيت وانتكست واكتئبت شوية رجعت فشيت غلي في الأكل فخلاص كل اللي عملته راح والموضوع كان محتاج نفس طويل".

وكشفت ندى رحمى عن كواليس عملية تكميم المعدة، حيث قالت: "العملية دي بتتعمل منظار فانت كل اللي فى بطنك بيظهر على الشاشة وكان معايا حد صديقي ودكتور كان بيصور الشاشة، وماما واقفة برا بتحتضر خلاص، وراح واخد الموبايل وطلع لماما قالها بصي أمعاء بنتك ليه امبارح قبل العملية تاكل كرنب كنت واكلة محشي بقي".

وتابعة الممثلة: "أصل أنا الدكتور قالي ندى كلى علشان أنتِ المدغ هيوحشك مش الأكل فروحت مطعم تركى كلت برقم، أنا كان فيه علاقة فلسفية بيني وبين الأكل".