مي حلمي تخرج عن صمتها وتعلق على انفصالها عن محمد رشاد وتكشف تفاصيل حالتها الصحية
كتب: ضياء السقا
علقت الإعلامية مي حلمي، على أزمة انفصالها عن خطيبها المطرب محمد رشاد، وكشفت تفاصيل حالتها الصحية، بعد تعرضها لوعكة، نقلت على إثرها للمستشفى.
وكتبت مي عبر حسابها الرسمي بـ"إنستجرام": "شكرًا لكل الناس اللي بتحبنا والزملاء اللي اتطمنت عليا.. قبل أي كلام أنا مجاليش جلطة والحمد لله مجرد ضغط نفسي وانسداد في الشعب الهوائية بقالي كام يوم وده وارد أكيد بسبب اللي حصل وده وارد بين أي طرفين وحياتنا الخاصة تخصنا لوحدنا واحنا قادرين نحلها بكافة الطرق لأنها حياتنا احنا.. وكشخصيات عامة محدش له يدخل ويتكلم ويقول ضريبة الشهرة لا حياتنا الخاصة مش للشهرة".
وأضافت الإعلامية: "مش هطلب منكم غير الكلمة الطيبة ويا ريت نتعلم من الأمثال اللي ليها حكمة العروسة للعريس والجري للمتاعيس وفي الآخر كل اللي داخل خارج.. البصلة وقشرتها عمركوا شوفتوا بصلة من غير قشر؟.. مش هينبكم غير اللي قال كلمة وحشة هتقعد له وهيبقالنا الحلو كله".
جدير بالذكر أن محمد رشاد ومي حلمي انفصلا قبل حفل زفافهما بساعتين فقط، بعد حدوث مشاكل عائلية بين الطرفين، ودخلت الإعلامية الشابة المستشفى إثر إصابتها بصدمة عصبية.
موضوعات متعلقة:
بعد انتقادها.. ريهام سعيد ترد بقوة على بيان محمد رشاد