كلب يهاجم أحد المصليين وسط ثبات انفعالي.. وتامر حسني: تمسك بحماية ربنا اللي أنقذه وهو جالس مكانه (فيديو)
نشر الفنان تامر حسني، مقطع فيديو عبر حسابه الرسمي على "انستجرام" أوضح خلاله هجوم "كلب" على أحد المصليين.
وعلق تامر على الفيديو: "ده ڤيديو لسه شايفه ومعرفش ظروفه إيه بس حابب أخد منه أكبر شيء إيجابي نستفيد بيه من الموقف الحقيقة هو موقف صعب جداً على أي شخص اياً كان دينه، لكنه اختبار حقيقي لقناعة الشخص وتصديقه بإنه رغم صعوبة الموقف فهو بين يدي الله و مش هيحصله غير اللي ربنا عايزه حتى لو حصله ابتلاء حالاً فهو سلم له و في نفس الوقت مخرجش من قدسية اتصاله بربنا".
واستكمل: "أكيد خاف لأنه إنسان و أكيد وساوس كتير جاتله تقوله اطلع إجري أو يصارع الكلب بس اللي انتصر جواه ثقته وتمسكه بحماية ربنا له ، اللي انقذه و هو جالس مكانه لم يدبر و لم يخطط بل دبر و خطط الله له …. هي دي الدنيا مواقف كتير هتخليك تخاف وهتتخيل انك بتنتهي هنا بقى بييجي دور قناعتك الشخصيه اللي هتنجيك من شر الناس و اي ابتلاء او تثبتك على فكره افضل بتراودك او طريق احسن عايز تروحه و خايف".
"قناعتك بانك بين ايد ربنا و مش هيحصل الا الخير حتى لو مفهمتوش لحظتها متقولش ليه كده يارب لاء .. قول يا ترا ايه الدرس اللي عايزني اتعلمه يارب ساعتها هتفهم و هتلاقي الخوف يائس و نام زي ما الكلب نام في آخر الموقف و قناعتك بالله عن حمايته و قدرته و تخطيطه هي اللي هتنتصر و تنجيك طول حياتك".