مناشدة عاجلة من عمرو أديب بسبب النزلات المعوية في أسوان

طالب الإعلامي عمرو أديب، الحكومة بإعلان نتائج التحقيقات في النزلات المعوية التي أصيبت عدد من المواطنين بمحافظة أسوان.

وقال أديب خلال برنامج "الحكاية" المذاع على قناة "آم بي سي مصر": "كلمتين بساط الدولة اتحركت والدولة موجودة على الأرض والدولة تواجه الأمر، المحافظ ورئيس الوزراء وكل هؤلاء قالوا إن إحنا بنتحرك عشان نطلع بيان بعد 48 ساعة نقول فيه كل حاجة".

وأضاف: "يا جماعة بس في موضوع إجرائي بسيط حضرتك لازم بعد 48 ساعة عندك حاجة من اتنين تقولي يا في حاجة يا مفيش حاجة وأنا مش عايز أفسر أكتر من كدة حضراتكو عارفين الناس بتسأل عن إيه السؤال هو في حاجة؟".

وتابع: "هتقولي مفيش حاجة أنا هصدقك مسألة بسيطة خالص مفيش حاجة أو يا جماعة يا شعب مصر في حاجة والحاجة دي جاية من الجهة الفلانية أو مفيش حاجة جاية من الجهة الفلانية أنا فاهم طبعًا إيه هي المخاوف ولية الإدارة المصرية بتتعامل مع الأمر بحساسية شديدة، ولكن عايز أقول لحضراتكم إن سلامة المواطن وحياة المواطن في أسوان والاطمئنان عليه في ربوع مصر كلها نمرة واحد أنا عايز أطمن على أخي المواطن المصري ونمرة اتنين فكر في اللي أنت عايزه بقى قولي السياحة أو قول اللي أنت عايزه".

وأكمل: "بما أن حضرتك قررت تاخد 48 ساعة أنا مستني منك كلمة بيع وشراء في حاجة؟ ومفيهاش عيب دي حاجة ممكن تكون ناتجة عن ظروف قهرية ووارد جدًا يكون في مشكلة، المحافظ شرب ماية كتير النهاردة مش عارف بكرة صحته هتبقى عاملة إزاي".

وذكر: "قولي يا شعب مصر مفيش حاجة مش عايزين دوشة الموضوع بسيط جدًا والناس كلت أكلة وحشة وكان في تسمم أو فيروس وخلاص أنا معاك وأنا هصدقك وأنا هشتريك أنا أول واحد كعمرو هطلع أقول الإدارة المصرية قالت كذا ونقطة".

وواصل: "خد بالك هذا الأمر لو أنت مكنتش دقيق في وصفه لن تستطيع التغطية عليه، وفي أشياء مبتستخباش وأنا بس بطلب من حضرتك أن في ظرف يومين أنت واخد إجراءات وموجود على الأرض وبتكلمني".

واختتم: "قولي وأنا هصدقك قولي مفيش حاجة، باشا أو قولي لا إحنا حصلنا في الأيام اللي فاتت دي واحد اتنين تلاتة وأنتم تعلموا الكلام اللي متنطور ولا أريد الحديث في شيء أو أديله أكبر من حجمه".