فانلة الزمالك والمحلة.. عمرو أديب يرد على سخرية جماهير الأهلي

الموجز  

رد الإعلامي عمرو أديب، على سخرية بعض من جماهير النادي الأهلي من قميص الزمالك، والذي خاض به أول مبارياته في بطولة الكونفدرالية الأفريقية أمام فريق الشرطة الكيني، مساء أمس السبت.

وخلال تقديم برنامجه «الحكاية» المذاع عبر فضائية «إم بي سي مصر» مساء السبت، قال أديب: «الأهلاوية سابوا الدنيا كلها، وقالك إيه ده انتوا لابسين فانلة المحلة، مالها المحلة؟، المحلة بلدي، أم الصناعة في البلد، دلوقتي بقت وحشة؟، هو ده اللي واقفين عنده؟، طيب ما إحنا كسبنا بره أرضنا».

وأضاف الإعلامي: «موضوع الفانلة بقى ترند، طيب اسم الله على الفانلة بتاعتكم، فانلة حمرا، إيه اللي فيها يعني، فانلة حمرا، زيها زي اللي كان بيلبسها صالح سليم الله يرحمه، هي هي».

وتابع عمرو أديب: «يقولك بص إمام عاشور… لا لا في حتة تانية، إيه هي الحتة التانية، فانلة حمرا بنص كم أو فانلة بكم، فانلة عادية جدًا، بتتغسل في الغسالة وبتبهت عادي جدًا».