الهنتريش أبو أجنحة.. عمرو أديب : بايدن محتاج جيمس بوند عشان يحرر الأسرى
الموجز
علق الإعلامي عمرو أديب خلال حلقة اليوم من برنامج الحكاية على أزمة الأسرى الأمريكيين في غزة .
حيث تسائل أديب قائلاً : لو انت بايدن ايه احسن حاجة تتعملك عشان الانتخابات لما تيجي تطير قدام ترامب؟
وأوضح : أحلى حاجة قوات أمريكية مارينز النخبة الصاعقة سموها زي ما انتوا عايزين .
وتابع : تستطيع فجأة في غفلة من الزمن تبقى في غزة وتطلع 20 أمريكاني يتم اخراجهم عن طريق البحر ثم يستقبلهم بايدن في واشنطن .
وأضاف أديب: بايدن لم يقم بمغامرات كبيرة زي ترامب ولا أوباما .
وأوضح أديب : لكن هذه الأمور محتاجة الكثير من الضباط واللي بيسمعني بقاله سنين لما بتكلم عن الذباط .
وتابع : بقصد مستوى معين من الضباط اللي بيشتغلوا في العمل الخفي وله مواصفات خاصة زي 007 "جيمس بوند" .
وأضاف : طبعاً الأقمار الصناعية والقاعدة اللي بتابع النملة ، كل الهنتريش أبو أجنحة المحلق ده .
وتابع : تقوم فيوم تلاقي بايدن واقف في البيت الأبيض يقول نجحت في تحرير الرهائن ودقي يا مزيكا .