عمرو أديب: بقالنا 60 أو 70 سنة في معاناة .. أنا لو رئيس مش هعمل اللي بيعمله السيسي
الموجز
عقب الإعلامي عمرو أديب، على تفقد الرئيس السيسي لأعمال التطوير على امتداد طريق القاهرة السويس، قائلًا: "لو كنت يومًا رئيسًا لمصر لن أفعل مثلما فعل الرئيس السيسي".
وأضاف أديب، خلال تصريحات تليفزيونية، مساء اليوم الجمعة: "لو كنت رئيسا لمصر مكنتش هعمل طرق أو كباري أو أنفاق أو مشروعات تنمية، كنت هريحكم وأبسطكم وأحافظ على سعر العيش وكل سنة أنزل علاوة دورية وأثبت سعر الدولار عند 3 جنيه".
وأردف الإعلامي عمرو أديب بـ: لو كنت رئيسًا لمصر كنت هكتفي بمستشفى قصر العيني لعلاج المصريين، وكفاية أوي جامعة القاهرة علينا وبلاش جامعات جديدة، ومكنتش هبني مدارس ولا هطور في التعليم.
وأكد الإعلامي عمرو أديب: الرئيس المثالي في مصر هوا اللي يبسط الناس والرئيس اللي يجي وراه يشيل الشيلة، فيه رؤساء جماهريين كل هدفهم الوصول لرضا الشعوب ولكن الرئيس ده بالعقلية دي لن يبني دولة.
وأكمل الإعلامي عمرو أديب: بقالنا 60 أو 70 سنة في معاناة وآن الأوان أن يحدث تحول حقيقي في مصر، مردفا بـ: "اللي شايفينه من التطور اللي بيحصل في مصر حاليا تم في 7 سنوات فقط".