تامر أمين عن إصابات الأهلي: كده مش هينفع ..على ما نوصل يوم النهائي مش هنلاقي حد يلعب
الموجز
طالب الإعلامي تامر أمين، إدارة النادي الأهلي بعمل معسكر مغلق للاعبين حتى موعد مباراة القمة، وذلك حماية لهم من الاختلاط والإصابة بكورونا.
وقال “أمين” خلال تقديم برنامجه “آخر النهار” المذاع عبر فضائية“النهار”: فيه فرة حاصلة في لاعيبة الأهلي.. والجهاز الطبي بتاع الأهلي ده مبثقش فيه بصراحة.. فيه مشكلة بيني وبينه، الحاجة اللي بتقعد أسبوع عند باقي الفرق بتقعد عندنا 3 سنين.
وأضاف: بدأنا بمحمد هاني ومش عارف هيلحق ولا لأ.. وبعدين جالنا النهارده قلمين ورا بعض.. كهربا ومحمد مجدي، بالشكل ده على ما نوصل يوم 27 هيبقى اسمها مشرحة الأهلي مش مستشفى الأهلي.
وتابع: حافظوا على الشوية اللي باقيين.. أنا أحلامي اتغيرت من أننا نكسب لأننا نفضل عايشين، اللعنة اللي حاصلة دي غريبة جدًا.
وأختتم "أمين" حديثه قائلا: رجائي للأهلي انهم يحاموا على اللعيبة.. بخروهم.. ارقوهم.. خمسوا وكبروا.. اتصرفوا.. اعملوا معسكر مغلق من دلوقت.. لأن الله أعلم اللاعيبة خالطت مين.