«واضح إني تاعبكم أوي».. مرتضى منصور يرد على شائعة وفاته في حادث.. ويتوعد الخطيب وغيره بـ «مفاجآت»

الموجز    

فند رئيس نادي الزمالك، المستشار مرتضى منصور، شائعات وفاته في حادث اليوم الثلاثاء، وذلك بعدما تداول عدد من مستخدمي مواقع التواصل الاجتماعي نبأ وفاته.

وفي مقطع فيديو نشره عبر قناته الرسمية بموقع "يوتيوب"، قال مرتضى منصور: "أنا بخير الحمد لله وأقف في النادي النهري الآن".

وأضاف رئيس الزمالك: "بقول للكلاب الضالة اللي بتطلع عليا شائعات كل شوية ده مات في حادثة ده ضربوه ده شتموه كفاية بقا بجد هو أنا قوي كده يعني؟".

وتابع: "بقول لمحمود الخطيب من فضلك لم لجانك أنت وممدوح عباس وأحمد سليمان وهاني شكري والعتال، لموا رجالتكم، واضح إني تاعبكم أوي، بعد رمضان في مفاجآت ليكم كلكم".

وواصل منصور: "بحمد رمضان لكن افرض أسرتي مش معايا زوجتي وبنتي وأحمد مرتضى وأمير مرتضى وزوجاتهم وأحفادي، أنا في النادي النهري شغالين فيه وبنفطر فيه عشان يخلص قبل العيد".

وأكمل: "هل ينفع إن زوجتك تُفاجئ أو ابنك أو حفيدك أو حفيدتك إن في حادثة، عيب".

وأضاف مرتضى منصور: "لكل واحد كتب حرف في موقع أنا هحاسبه، في محكمة وفي نيابة ونائب عام، أنا تاعبكم أوي وهفضل تاعبكم أوي أوي ومفرتكم ولموا نفسكم عشان لما بطلع كلكم بتروحوا تعيطوا وانتوا عارفين بتروحوا تعيطوا لمين".

ويستعد نادي الزمالك لمواجهة النادي المصري البورسعيدي يوم الخميس المقبل، ضمن منافسات الجولة الـ16 من بطولة الدوري المصري الممتاز.