«كان بيقرب مني أوي وبيلزق فيا».. مها أحمد تكشف عن واقعة حدثت بينها وبين فاروق فلوكس

الموجز  

كشفت الفنانة مها أحمد عن واقعة حدثت بينها وبين الفنان فاروق فلوكس.

وفي حوارها ببرنامج "أسرار" مع الإعلامية أميرة بدر المذاع عبر فضائية "النهار"، قالت مها أحمد: "عرفت ان المسرح بيكرم الأستاذ فاروق فلوكس، فقولت لصديقتي ومديرة تحرير برامجي، بفكر أروح عشان أحضر التكريم وأعمله مفاجأة يمكن يفرح، قالتلي إزاي ده شتمك، رغم اني مش فاكرة اني اشتغلت معاه، فسألت مقربين قالولي اني عملنا مسرحية مع بعض وهو بالنسبالي تاريخ"، بحسب ما نقل موقع "مصراوي".

وأضافت الفنانة: "كنت بعمل بطولة مسرحية، فكان في الشغل بيقرب مني أوي، وبيلزق فيا أوي، وبيندفع بالكلام وده بيضايقني، وكان يخرج عن النص لأنه كان جاي علينا جديد، ومش حافظ، فكان يرتجل بـ كلام مينفعش يتقال على مسرح دولة، فاشتكيت للمخرج قلت له بعد اذنك لما يجي يشتغل معايا وميقولش ألفاظ خارجة، ف الزميل المذيع والممثل، مردش حقي وبعدين قالوله في الايربيس وجه يلم الموضوع معرفش أصل الارتجال ده عايز امكانيات".