طرحت أغانيها أثناء فترة حبسه.. بوسي ترد على الانتقادات بسبب طليقها هشام ربيع

الموجز    

تحدثت المطربة الشعبية بوسي عن طليقها هشام ربيع، مؤكدة أنها تزوجته أثناء طلاقه من زوجته الأولى، كما الفنانة لأول مرة على الانتقادات التي وجهت لها بشأن طرحها الأغاني أثناء فترة سجنه قبل انفصالهما.

وفي تصريحات ببرنامج "العرافة" المذاع عبر فضائية "النهار"، قالت بوسي: "هشام ربيع راجل محترم، ولما اتجوزته كان مطلق أنا متجوزش راجل متجوز أنا مش واقعة، وهو مطلقش مراته علشان يتجوزني، وهي اللي كانت عايزة ترجعله وقالت علشان عيالي وأنا وافقت علشان عندي عيل وهو قالي اقفي جنبي."

وأضافت المطربة: "هشام ربيع اتحبس علشان يحميني من العصابة اللي كانت بتستنزفني بقالي أكتر من 10 سنين بياخدوا فلوس وبس، اللي هما طليقي وإخواته والمحامي بتاعه دول عالم نصابين واتهمونا أننا سرقنا شيكات."

وردا على الانتقادات التي وجهت إليها بسبب طرحها الأغاني أثناء فترة سجن هشام ربيع قبل انفصالهما، قالت بوسي: "ربنا يعلم أنا عملت إيه لهشام ربيع وهو في السجن، والله يسامح اللي وصلوا له كلام غلط وشغالين على ودانه، وفي ناس كتير مش حابين وجودنا مع بعض، وهو عارف الحقيقة وأني عمري ما أسيب جوزي، والناس قالت أني بنزل أغاني وجوزي محبوس، ما ده أكل عيشي."

ووجهت المطربة رسالة لطليقها هشام ربيع، حيث قالت: "هشام أنت عارف ومتأكد اني مشوفتش حد وقف جدع ولا في رجولتك، وأنت فعلًا تستاهل كل حاجة حلوة في الدنيا على قد ما أنت كريم وطيب، أنا مشوفتش حد بنضافته ولا طيبة قلبه، ولا هشوف حد في رجولته ولا حنيته ولا كرمه، وهو عارف أن أنا لسة بحبه."