هجوم حاد على «مصطفى النجار» بهاشتاج «#احنا_ثوار_ال3_ساعات» بسبب «ثوار الـ٣ ساعات وهيرجعوا جحورهم تاني»

تسببت تغريدة للبرلماني السابق مصطفى النجار على تويتر في هجوم حاد عليه قال فيها ردا على أحد متابعيه:  "معلش بينسوا نفسهم وبيصدقوا إنهم ثوار ال ٣ ساعات مع ألعاب الطيارات ورسوم القلوب، هانت وهيرجعوا جحورهم تاني."

 

انطلقت هاشتاج #احنا_ثوار_ال3_ساعات من المشاركين في ثورة ٣٠ يونيو، واشتعلت التعليقات غضبا من تغريدة النجار .

 

وشارك د. حازم عبد العظيم قائلا: 

- #احنا_ثوار_ال3_ساعات كل ساعة كانت خنجر في قلب باترسون واوباما وآشتون .بعد الفرح البلدي اللي عملوه في ثورة يناير .كنا طيبين قوي يا خااال #مصر

 

- #احنا_ثوار_ال3_ساعات يقولك فسحة وبلالين .. وناسيين عصابة الخونة عبد الماجد والزمر وحجازي قالك هانسحقهم ونرشهم بالدم ..ما كانوش بيهزروا ياعمو

 

 

إليكم بعد التغريدات "الغاضبة" من هاشتاج «#احنا_ثوار_ال3_ساعات»:

 

د. أشرف عزت: #احنا_ثوار_ال3_ساعات اشرف منك ومن امثالك اصحاب الاجندات الخارجية والتمويل نحن لنا وجه واحد ولكن انتم لكم الف وجه فووق.

 

مصطفى الأنصاري: عموما لما نخلص من بقايا السرسجية سنقص ونروي خدت وقت ازاي واتعملت ازاي وبالمناسبة اغلب مشاهير الينايرجية مكنوش فيها

 #احنا_ثوار_ال3_ساعات

 

Dalia: #احنا_ثوار_ال3_ساعات احنا بنسخر من تفاهتكم احنا عارفين نزلنا قد ايه وتعبنا قد ايه ولو كنا خلعنا تنظيم دولي في 3 ساعات فده شرف ووسام لينا

 

magdynour: #احنا_ثوار_ال3_ساعات يقاس مدي نجاح الثورات بقدرتها علي تحقيق أهدافها وليس عن طريق الساعة واليوم والاسبوع

 

سارة فهمي: 

- #احنا_ثوار_ال3_ساعات واضح ان ساعة مصطفى النجار مش مظبوطة احنا فى الشارع من ايام الاعلان الدستوري .بس الاعور مش بيشوف الا بعين واحدة

 

- #احنا_ثوار_ال3_ساعات .انتصرنا على اليهود فى 6 ساعات . وانتصرنا على الاخوان فى 3 ساعات يبقى لازم تعرف انت بتكلم مين يا نجار

 

Sally: #احنا_ثوار_ال3_ساعات و٣ سلامات و حضن كبير و توته توته وخلصت حدوتة مرسي والأربعين حرامي

 

Taher Mostafa: #احنا_ثوار_ال3_ساعات ايوة بنفتخر اننا نزلنا 3 ساعات شيلنا خروف وعصابته وماكانش محتاجين اكتر من كده..الثورة بنسبة لنا وسيلة لكن انتم بتعبدوها

 

Hayam Mahmoud: #احنا_ثوار_ال3_ساعات بتغلط في 30 مليون يا راجل خلي عندك دم وشوف مين اللي رجعو الجحور وبينظروا ع التويتر وف الجرايد

 

مصر أولا: #احنا_ثوار_ال3_ساعات لا ورانا تنظيم يجيبلنا أتوبيسات و لا منظمات تدفعلنا دولارات معندناش غير وطن و جيش و معانا رب العباد

 

متمردة: احنا الي شيلنا مرسي ورجعنا مصر  #احنا_ثوار_ال3_ساعات

 

وفي المقابل، شارك بعض نشطاء ٢٥ يناير في الهاشتاج،:

 

Alfred Raouf: 

- أحب أفكركم بس إن مؤسسين تمرد كانوا من ثوار 25 يناير ومن قبلها في كفاية، واشتغلوا من قبل ما تفكروا تنزلوا

#احنا_ثوار_ال3_ساعات  لما بنحب

 

- أحب أفكركم إن بدون خبرة ثوار 25 يناير ماكنتوش تعرفوا تنصبوا خيمة في ميدان :-) ولا تعملوا اعتصام يعني

#احنا_ثوار_ال3_ساعات  لما بنحب