مرتضى منصور يدخل على خط الأزمة بين بيومي فؤاد ومحمد سلام
الموجز
علق مرتضى منصور، رئيس مجلس إدارة نادي الزمالك السابق، على أزمة الفنانين بيومي فؤاد ومحمد سلام، والتي تصدرت منصات مواقع التواصل الاجتماعي خلال الأيام القليلة الماضية.
وعبر حسابه الرسمي بتطبيق "تيك توك"، نشر "مرتضى" مقطع فيديو قائلا: "زي ما انت يا محمد سلام عملت العقد واخدت العربون في السر اعتذر في السر عشان احنا مش جايين نعمل منظر خالص".
وأضاف رئيس الزمالك السابق: "وأنت كده أحرجت أي حد هيشتغل، طب لو هيعمل مسرحية في مصر وهيضحك ولا هي القصة الرياض، طب لو هيشتغل في تونس، طب هيروح مهرجان جرش يبقي خاين وعشان كده زميلك بيومي فؤاد اللي أنا معرفوش شوف مكتوب عنه ايه الخاين العميل وكأنه هو اللي بيضرب أطفالنا بسببك أنت وأنت اللي عملت كده في زملائك".
وتابع مرتضى منصور: "أنت عاوز تعتذر حقك والله العظيم وأنا لو مكانك هعتذر مش هروح بس لو جالك كوميدي هنا في مصر هتمثل لو مع أحمد مكي ولا هتقعد مش هتعمل كوميدي وهتبقى أمينة رزق، محمد أنت ممثل جميل وحذرت وقلت تصفية الحسابات أنا مستاء من اللي بيحصل مع بيومي فؤاد مع اني بيومي ده أهلاوي وحمى وبيني وبينه يعني مش طايقه بس شايف واحد عمال يتهزق ويتهان مع أن الموضوع سهل جدًا وزي ما انت عملت العقد في السر وخدت العربون في السر ورقة صغيرة أنا بعتذر وشكرًا".
@mortadamansour.2 من وجهة نظري مش وقت تصفيه حسابات قصه محمد وبيومي فؤاد
وكان الفنان بيومي فؤاد قد أثا جدلا واسعا بعد هجومه على الفنان محمد سلام أثناء عرض مسرحية "زواج اصطناعي" بموسم الرياض والتي اعتذر "سلام" عن المشاركة بها قبل ساعات من انطلاقها تضامنًا ومساندة للشعب الفلسطيني.
وعقب انتهاء العرض المسرحي، ظهر بيومي فؤاد على المسرح منتقدا اعتذار "سلام"، حيث قال: "من حقك تعتذر عن المسرحية لكن مش من حقك تغلط في فنك"، وأثارت تصريحات "بيومي" لغطًا كبيرًا بين رواد مواقع التواصل الاجتماعي والذين قاموا بمهاجمته بضراوة بسبب مشاركته بـ "موسم الرياض" وسط الأحداث المؤسفة التي يشهدها الشعب الفلسطيني.