نهاد أبو القمصان لشيرين : تجربتك اتهرست في مليون فيلم عربي قديم
الموجز
وجهت نهاد أبو القمصان، المحامية، وعضو المجلس القومي لحقوق الإنسان، رسالة للفنانة شيرين عبد الوهاب، بعد تصريحاتها الأخيرة حول زوجها السابق حسام حبيب.
وقالت نهاد: إيه يا شرين إيه اللي حصل المرة دية، مدهولة كدا ليه، اللي بيحصل معاكي زيك زي أي ست مصرية، تجربتك دية شوفناها بدل المرة ألف مرة، تجربتك اتهرست في مليون فيلم عربي قديم، الستات المصرية بالتحديد في الجوازة التانية بيحصلها حاجات كتير أولها بتحاول الست دائما في الإصلاح.
كما أضاف: بتفضلي تضغطي علي نفسك عشان خايفة تتطلقي مرتين، لا اطلقي مرة واتنين وثلاثة وعشرين طول ما إنتي مش مرتاحة، مفهوم الست الأصيلة كلمة بقت شبهة الست الأصيلة تستحمل اه بس الراجل اللي عنده ظروف صعبة وخارج إرادته بنت الأصول هي اللي تعرف تلزم اللي قدامها يقولها يا هانم.
وتابعت اللي يوصل إنه يشتم مراته إذا مش هيكون في إصلاح زمان في الفلاحين اللي كان يشتم مراته كان يتعمله قاعدة ويتمسح بيه البلاط قدام أهله ويتقاله لو عملتها تاني هتتقعلق عشان أنت كدا مش راجل، دلوقتي مش بيحصل كدا إذا الحل اللجوء للقانون.