عمر كمال مستغيثا بالأزهر: تعبت نفسيا.. والناس بتقولي فلوسك حرام وربنا مش هيقبل منك خير

الموجز 

رد مطرب المهرجانات الشعبية عمر كمال، على انتقادات البعض له لممارسة مهنة الغاء، وقولهم إن الله لن يقبل منه أي عمل خيري بسبب  هذا العمل.

وقال كمال، خلال مقطع فيديو عبر حسابه الشخصي بموقع التيك توك: تعبت نفسيًا من كلام الناس اللي بتقول إن ربنا مش هيقبل مني الخير اللي بعمله عشان فلوسي حرام.

وأضاف عمر كمال: أنا عايز شيخ من الأزهر يرد عليا ويقول لي إذا كنت غلطان ولا لأ، لو غلطان هبطل أعمل خير تاني بالرغم إني شايل مسؤولية فرقتي وعيلتي كلها.

وتابع: أنا مش بعمل فيديوهات خالص بره الغناء والكلام ده كله عمري ما عملت فيديو في الخير أو أطلع تريند في الخير أو أعمل حاجة خير وأطلع عليها تريند وأركب عليها مبحبش كده، أنا مقتنع الخير في السر ده ربنا بيكرم عنه أضعاف اللي في العلن.

وأردف: أنا ربنا كرمنى آخر كرم عشان علاقتى بربنا كويسة أنا أظن كده، تعبت من الناس نفسيًا جامد أوي وعايز حد من الأزهر يطلع يرد عليا يا ريت أي شيخ من الأزهر يطلع يرد عليا أي حاجة بعملها في حياتي، بعمل أي غلط أنا بروح أعمل فرح أو أغني في حفلة تخرج عمري ما طلعت قلت في حياتي إني بساعد أو بعمل خير لحد.

واختتم عمر كمال: شايل مسؤولية فرقتي وعيلتي كلها وفاتح أكتر من 50 أو 60 بيت غير الناس اللى حواليه شايل مسوؤليتها.. طب أنا فلوسي حرام الناس اللي بتنتقد بقى عملت إيه في حياتها ساعدت ناس أو دفعت فلوس عمليات أو دفعت إيجار لحد، أنا بعمل كل ده ومش بطلع أتكلم في الخير.