«صوتها مطمئن وبلغتني رسالة وهذه حقيقة صورتها مع حسام حبيب».. تفاصيل مكالمة هاتفية بين عمرو أديب وشيرين عبدالوهاب

الموجز
ثقافة وفن
2022-11-04 23:27

الموجز    

أعلن الإعلامي عمرو أديب أنه أجرى اتصالاً هاتفياً مع الفنانة شيرين عبدالوهاب.

وخلال تقديم برنامجه "الحكاية" المذاع عبر فضائية "إم بي سي مصر" مساء الجمعة، قال أديب: "صوت شيرين كان قويًا، ومنذ اللحظة الأولى في الاتصال حسيت إن شيرين رجعت تاني، كل اللي يهمني عودة شيرين بصحة جيدة، دي شيرين اللي أعرفها".

وأضاف الإعلامي: "خلال الاتصال قولت لشيرين كفارة، وردت عليّ وقالت فعلًا كفارة، وشيرين قالت لي إن الصورة المتداولة عبر مواقع التواصل الاجتماعي مع طليقها المطرب حسام حبيب ليس لها أساس من الصحة وليس لها سياق حقيقي معبر عن الفترة الحالية."

وتابع: "صوتها جيد وقوي، أول ما قالت ألو حسيت أنها كويسة وعارفة حجم الحب والمودة اللي كانت موجود وهي في المستشفى، سألتها أخبارك إيه قالت لي الحمد لله أظن أنت سامع صوتي، قالت لي كفارة والحمد لله بقيت كويسة وعاوزاك تقول للناس إني كويسة وطمنهم عليا وتشكر كل اللي الناس اللي سألت عليا وقريب هرجع أحسن من الأول ولو سمحت أشكر كل الوسط الفني والغنائي وأشكر كل الجمهور والمحامي على مجهوده وكل الناس اللي اهتمت بيا وإن شاء الله كون كويسة وقريب هيكون لينا حوار قريب ونتكلم في أشياء كثيرة."

وأكمل: "هاممني شيرين تبقى كويسة مش بهتم باللقاءات والشغل قد ما أهتم الناس تكون مرتاحة صوتها جيد وصحة كويسة، دي شيرين اللي أنا أعرفها هادية وجميلة بتضحك، بتنكت وعندها وحشة كبيرة للوسط الغنائي وتقدير كبير لكل الناس اللي وقفوا جمبها وسألوا عليها، شايفة إنها كانت في تجرية صعبة لكنها ست قوية وقادرة تتخطى الأمر."

واختتم عمرو أديب: "شيرين قالت لي أبلغكم أن الصورة اللي ليها مع حسام وكل الكلام عن صورة ليها مع حسام لا أساس لها من الصحة، صورتها كويس أفضل وأهدى وأحلى، كل اللي نقدر نعمله أنها تهدى وتكون بصحة كويسة ونشوفها في حفلات كتير هي مطربة العالم العربي وبنفخر بشيرين زي كل المطربين زي عمرو دياب وأنغام وأصالة، الصورة سياقها مش حقيقي وليس لها أي جانب من الصحة، وقريب تسمعوا صوتها بنفسكم وهي عندها نبرة الثقة والهدوء، ادعوا لها في دور النقاهة بتاعها تكون كويسة."

تعليقات القراء