تعليقا على ترشح "سعد الصغير" للرئاسة.. نوراة نجم: اللي بيرقص بجسمه أحسن من اللي بيرقص بمبادئه!!
قامت الناشطة السياسية "نوارة نجم" بالتعليق على خبر تقدم المطرب الشعبي "سعد الصغير" بأوراقه للجنة الانتخابات الرئاسية بكتابة تغريدة على موقع "تويتر" تحت عنوان "يارب سعد الصغير ينجح في الانتخابات".
وكتبت "نوارة" ساخرة أن سعد الصغير:
نموذج للمواطن العصامي اللي ابتدا من أفراح فوق السطوح وعمل فلوسه من الجد والاجتهاد
مؤمن بالحريات الشخصية: وبشوقك وبراحتك.. يالا شوف مصلحتك
متعود على النقد اللاذع.. ولما نشتمه مش حيقولنا انتوا بتغلطوا في الدين وربنا
بيرقص لنا مش بيرقص على جتتنا
بيطبل لنا مش بيطبل للمجلس العسكري
بيغني لنا... مش بيغني علينا
لما بيدي كلمة ما بيرجعش فيها زي ناس.. عمرك سمعت ان سعد وعد متعهد انه يحيي فرح وخلي بيه؟
عمره ما قلب الناس في الفلوس باسم الدين ولا السياسة، بيشتغل وبيقبض اجرة على شغله.. وبيشتغل بذمة كمان
عمره ما يفتي في اللي ما يفهمش فيه.. ولا حاطط نفسه فوق البشر
ابن بلد وما يحبش يتنصب عليه.. وبناء عليه، فهو اللي حيعرف لنا
هو اول من نادى باليقظة الوطنية.. اصحىىىى... فوووووق
اللي بيرقص في الكباريهات احسن من اللي بيرقص في الجوامع
اللي بيرقص بجسمه احسن من اللي بيرقص بمبادئه
الوحيد اللي فلوسه حلال عشان كلنا عارفين مصدرها