تويتر يسخر من القبض على كلوني: الجنزوري:السودان لن تركع..وهو إيه اللي وداه عند السفارة..أنا عاوز أخويا جورج!!

كالعادة.. اشتعل تويتر بعد انتشار خبر القبض على الممثل جورج كلوني أثناء مشاركته في احتجاج امام السفارة السودانية في واشنطن.

وقد اتهم "كلوني" الحكومة السودانية "بتنظيم الحملات العسكرية بقيادة الرئيس، عمر البشير، وأحمد هارون، والي جنوب كردفان، ووزير الدفاع السوداني، عبد الرحيم محمد حسين، الذين قادوا هجمات طويلة وموثقة في إقليم دارفور."

• كلوني كلوني يا ولد.. سجنك بيحرر بلد

• كولوني كل سنة مرة ..حرام تنسوني بالمرة

• كلونى قالها قوية.. لا للمحاكمة العسكرية 

• "ياللي ساكت ساكت ليه،حبسوا كلوني فاضل إيه"؟

• لو حبسوا كلوني وانت سكت.. بكرة هيحبسوا ف براد بيت

• إسجنوني  وموتوني .. بس سيبولنا جورج كلونى

• أنا عاوز أخويا جورج 

• كلنا جورج كلوني 

• إسجن جورج  إسجن كلوني ... مش هتشوف الخوف في عيوني

• لو ما اتكلمنا و ردينا .. بكره ياخدوا أنجلينا

• يا نساء العالم اتحدن جورج مقبوض عليه في واشنطن 

• جورج كلونى يهتف من داخل عربية الترحيلات..يسقط يسقط حكم البشير 

• وهو إيه اللي وداه عند السفارة أصلا 

• شوبير بعد سماع خبر حبس كلوني : ليه؟؟؟ ليه؟؟؟ لييييييييه؟؟؟؟

• تامر من غمرة: كلونى لقوا معاه وجبة كنتاكي و بيتكلم إنجلش لانجوش كويس جدا

• توفيق عكاشه: جورج كلوني ماسوني 

• عكاشة: جورج ده من عيلة بلطجية وإتمسك هو و أبوه كلوني معاهم مولوتوف و خريطة تقسيم السودان مما يؤكد أنه مخطط ماسوني ممول من أمريكا 

• المتحدث باسم البيت الأبيض :" احنا معندناش ولا واحد كلوووني "

• الجنزوري : السودان لن تركع

• الفنان حسن يوسف في أول تصريح له عن جورج كلوني: كان معاه ساندوتش فول .. وزتون أسود وبيشرب عرق سوس .. ممول ممول يعني .. 

• عكاشة: تقدر تقولي يا سي كلوني إنت ربطة الجرجير فيها كام عود؟

• مصطفى بكري معلقا على خبر كلوني : البرادعي السبب

• البرادعى : حبس كلوني ضربة قاضية للديمقراطية ويجب أن نخرج من هذا النفق المظلم .. احنا مش هنتحبس تانى يا أوباما

• مرتضى منصور : أنا عندي السي دي بتاع كلوني

• النائب العام الأمريكي يأمر بسرعة التحقيق في قضية القبض على كلوني و زملاؤه

• حركة 6 إبريل بولايه تكساس ..تنظم مليونيه "سيد الرجاله" للإفراج عن كلوني 

• الكتاتني الأمريكى : اجلسوا لستم أكثر منا حبا لأفلام كلوني

• تحرير جورج كلوني فرض عين - جمعة نصر جورج كلوني 

• أنباء عن العثور على خريطة تقسم أمريكا إلى 50 جزء مع كلوني 

 

نقلا عن صفحة