كلاكيت عاشر مرة.. اختراق الموقع الرسمي لقناة الفراعين..ورسالة لعكاشة "مبروك خسارتك"

كتب: نبيل عطية

قام هاكر مصري يدعى ""Black moon باختراق الموقع الرسمي لقناة الفراعين اعتراضا منه على سياسة القناة وأراء صاحبها الإعلامي "توفيق عكاشة".
وترك الهاكر رسالة إلى عكاشة جاء فيها: "تيـفا يا راجل أقسم بالله حرام عليك انت خنقتنا انت ليه مصمم تعيش في دور المهرج الأراجوز، شوف أنا مفيش حد أسألوا عليك غير لما يكون في نقد شوف الإجابات "مسخرة- كوميدي- غبي- مش فاهم حاجة".
دي أقل الكلمات اللي ممكن تتقال عنك؟ ياعمي أقسملك إني لو نزلت الشارع وسجلت مع الناس هتشوف الكلام ده انت ليه غبي؟
بتدخل في موضوع وتغيرعلى موضوع وبعدين تعلالي هنا، لو كانت البنت بتاعت التحرير أختك أو بنتك أو مراتك؟ كنت هتقول عليها كده؟ أكيد طبعا كنت هطلعها أشرف بنت في الدنيا.
قالك دكتوراه في الإعلام يا أخي جتك 60 نيلة.
تقريبا رسـالتي خلصت يا معلم ولسة اللي جــاي أحلى استناني، ومبروك لخسارتك في الانتخابات, خسارتك أثبتتلي إن لسه في ناس فاهمين وأكدتلي إنك متنفعش في حاجة ودا اللي شيفاه الناس.
وقام الهاكر بترك الإيميل الخاص به في نهاية الرسالة.
يذكر أن صفحة القناة تعرضت للاختراق أكثر من مرة، وفي كل مرة يترك فيها الهاكر رسالة خاصة لعكاشة.