ومازال "غسيل المخ" مستمرا في مدارس مصر..منشور يوزع على الطالبات: "الأبالسة اللي عاوزين يولعوا في مصر"!

2012-01-17 18:16

منشور يتم توزيعه على الطالبات في مدرسة "الصباح الثاوية بنات" يصف الثوار بـ "الأبالسة اللي عاوزين يولعوا في مصر"!!!

تقوم الإخصائية الاجتماعية بمدرسة "الصباح الثانوية بنات" بتوزيع منشور على الطالبات قام بعمله ائتلاف يُدعى "الائتلاف العام للجان الشعبية للدفاع عن مصر".. وكُتب البيان بلهجة تحريضية ضد الثوار متهما إياهم بالخيانة وتلقي الأموال لتخريب مصر وهدم الجيش المصري..

ويحوي البيان الكثير من الأكاذيب منها اتهام للثوار بقتل ضباط الشرطة وسحل جنود الجيش وخطفهم وتعريتهم فوق مسجد عمر مكرم!!

نص البيان:

لو عايز تشارك في خراب بلدك انزل من 19 لـ25،

منشور الأبالسة اللي عايزين يولعوا مصر يوم 25 بيقولوا فيه انهم "مش ضد الجيش"

1- لما انت يا خاين مش ضد الجيش ماشي ليه في كل حتة في مصر بتعرض فيديوهات ملفقة عن أعمال عنف الجيش لم يرتكبها.

2- لما انت يا خاين مش ضد الجيش ليه بتفتري على الجنود وتولع فيهم؟ وبتسحلهم؟ وبتاخدهم أسرى زي ما يكونوا اسرائيلين وترجع تقول احنا مش ضد الجيش؟.

3- ولما انت يا خاين مش ضد الجيش بتسخن ليه على قادة الجيش هو المجلس العسكري ده مش من الجيش خاصة إن الجيش مبني على عقيدة الجنود في القادة بتاعتهم وثقتهم فيهم هي اللي تخليهم ينفذوا أوامرهم ولو فقدوا الثقة فيهم مش هينفذوا أوامرهم وهينشقوا عليهم وده هدفكم يا خونة ولما الجيش يقع في بعضه ده لصالح مين كده الجبهة الداخلية والخارجية الاتنين وقعوا وده طبعا هدفهم عشان تنفذوا مخطط أسيادهم اللي بيدفعوا بالدولار!!

لازم تعملوا كل جهدكم عشان توقعوا الجيش لأنه هو اللي كشفكم وترجعوا ببجاحة تقولوا عشان كرامة المصري - مالها كرامة المصري يا خاين ياللي بتوسوس زي إبليس كانت فين كرامة المصري وانتوا بتقتلوا ضباط الشرطة؟؟؟؟ كانت فين كرامة المصري وانتوا بتسحلوا جنود الجيش المصري؟؟؟ كانت فين كرامة المصري وانتوا خاطفين جنود الجيش فوق سطح عمر مكرم وحبسهم عرايا؟ كانت فين كرامة المصري وهي الثائرة المحترمة أختكم متصورة على النت عريانة تماما زي ما ولدتها أمها؟ كانت فين كرامة المصري لما الثائرة المحترمة تنزل بعباية على العري في عز الشتاء علشان تمثل فيلم هابط؟؟؟؟ اوعى يا خاين تتكلم بلسان المصري وانتوا خلاص اتفضحتوا والشعب المصري عمره ما هيمشي وراكم ويخرب بلده ويهد جيشه.