أحمد البغدادي يكتب: كرسي عظيم يا سيدنا البيه!
2012-02-22 00:53
ألا أونا – ألا دوي – ألا تريه .. ومين مزادنا حيرسي عليه
كرسي عظيم ياسيدنا البيه .. و مين يا تري الفايز بيه
--------
شفيق ياراجل عينه عليه .. سليمان نفسه يبقى عليه
حمدين نفسه يطب عليه .. ونور و عمرو و أبصر إيه
--------
أبوإسماعيل بادئ يلاغيه .. أبو الفتوح إسم الله عليه
ناوي حيكتب إسمه عليه .. والكل سحره يعمي عنيه
-------
ده آثار من أيام فرعون .. وتلاتين سنة آخر فرعون
قعد عليه وكإنه طاعون .. حكم و حكمه كان ملعون
--------
بعصير أبالسه كان معجون .. على طينة الهبل المجنون
وقلبنا إنصاب مطعون .. و ربنا يكون في العون
--------
إياكو و بالعمياني يكون .. الجاي بالطيبة مدهون
ونشربه مقلب موزون .. ونحلي بعده بالبنبون
تعليقات القراء