أحمد البغدادي يكتب: رثاء طيب الذكر "جلال عامر"..

يا مصر .. عامر وسافر .. سفره الطويل ورحل

جف حبره .. وصبره .. لحد النهايه وصل

قلبه اللي ساعك .. فضل وداعك

من بعد مشاف .. اللي كان و حصل

لم ورقه .. ودمعه بقي عرقه

وبعد بعيد .. وحيد .. عنك وفيكي .. إنفصل

والنحل لو مات .. يسيب وراه .. العسل

يا جلال جلال الكلام .. بعد الوداع .. باقي

ياعامر وعامر .. بيك عمرنا .. الباقي

قلمك وألمك . ياما علمنا

لمنا معني الوطن .. يا معلمنا

ودرس بعدك .. وجعنا .. وآلمنا

نطلب لك الرحمه .. والغفران .. والجنه

وإحنا من بعدك.. يكون ربنا .. في عونا

--------------------------------------

مهندس : أحمد البغداد ي / 2012-02-14