السيسي: طول ما الشعب المصري متماسك أي حاجة تاني هتتقضى

الموجز  

أكد الرئيس عبدالفتاح السيسي أنه أثناء الاحتفال بالذكرى الـ51 لنصر أكتوبر المجيد، يجب أن نتكلم عن الدروس والعبر التي من الممكن استخلاصها، متابعًا: «جبت الضباط الصغيرين في الرتبة عشان اقولهم أن مصر أمانة في رقبتكم وإحنا بفضل من الله هنكون حريصين على بناء قدرتكهم والحفاظ عنها وهما كمان لازم يحافظوا عليها».

وأضاف الرئيس السيسي، خلال كلمته بالندوة التثقيفية الـ40 للقوات المسلحة: «من 7 أكتوبر الماضي وحتى الآن والأمور المتشابهة بين ما يحدث من اضطراب وأزمة كبيرة وبين عملية إيجاد حل للقضية الفلسطينية واعطاء أمل للشعب الفلسطيني في دولة مستقلة عاصمتها القدس الشرقية واللي هيكون ليه أثر كبير في أن تعيش كل شعوب المنطقة في أمن واستقرار وسلام وندخل في مرحلة جديدة مختلفة عما كنا فيه».

وتابع: «كل الأحداث أثبتت أنه طول ما الشعب المصري متماسك أي حاجة تاني هتتقضى إلا أن يكون أمن وآمان بلدنا يتعرض لتحدي خطير يفقدنا كل الجهد اللي بنبذله عشان نحافظ عليها وعلى أمان شعبها».

واستطرد: «بلدنا بخير وقدرات الجيش كافية للدفاع عن بلدنا مش عشان نعمل حاجة ضد حد».

وتساءل: «هل كان مطلوب إن إحنا نجيب أسلحة للقوات المسلحة في فترة العشر سنوات الماضية؟»، وأجاب الرئيس: «أنا مش هجاوب على السؤال دا خالص ومش عشان الحرب اللي موجودة دلوقتي لكن لازم تعرفوا إن الحفاظ على قوة الدولة الشاملة بكل من عليها من قوة اقتصادية وعسكرية وثقافية وقوة الوعي أمر مهم نشارك فيه كلنا».

وتابع: «مش هجاوب على السؤال واقول شوفتم بقا»، مستطردًا: «حتى لو مكنش حصل اللي حصل دلوقتي لابد للقوات المسلحة والشرطة تبقى في أعلى جاهزية وقدرة لحماية البلد ودا أمر أنتم كمواطنين وشعب وحكومة وبرلمان ومفكرين ومثقفين لازم تكونوا مش بس مقتنعين بيه كمان تتكلموا عنه مع الناس دائما».