نجيب ساويرس: لازم نتجرد من السياسة ونحزن على ضحايا الحروب من الطرفين

الموجز    

تحدث نجيب ساويرس، مؤسس مهرجان الجونة السينمائي، عن أهمية دور السينما في توصيلها معاناة الشعوب بنظرة إنسانية متجردة من السياسة، كما أكد أهمية التعاطف مع الطرفين في الحروب وقت الوفاة.

وقال ساويرس خلال المؤتمر الصحفي الخاص بالمهرجان اليوم الأحد للكشف عن تفاصيل الدورة السابعة من مهرجان الجونة السينمائي: "لازم نتجرد من السياسة ونركز على الإنسانية، وبنحزن على ضحايا الحروب واللي بيتقتل على الجانبين بصرف النظر مين مخطئ أو مين مصاب."

وأضاف رجل الأعمال: "عايزين ندخل مهرجان الجونة الدورة دي بـ فرح لأن الاكتئاب هو السائد دلوقتي بسبب أحداث لبنان."

وتابع ساويرس: "السينما بتوصل معاناة الشعوب بطريقة راقية وصحيحة من غير ما ناخد أي جانب سياسي ونتجرد من السياسة ونشوف الجانب الإنساني، وعايزين المهرجان يكون مميز في النقطة دي، وجربنا النقطة دي من خلال دورة الكورونا ودورة غزة السنة الماضية، وأنا راجل مدمن سينما وبشوف فيلمين في اليوم."