مها أحمد تهاجم متابعيها على «تيك توك»: أنا جبلة وباخد برشام التناحة ولسانكم قليل الأدب.. والجمهور يطالب بقطع الانترنت عنها

الموجز    

تصدر اسم الفنانة مها أحمد محرك البحث "جوجل" ومنصات التواصل الاجتماعي، وذلك مع تداول مقطع فيديو لها خلال الساعات الماضية وهي توجه فيه رسالة حادة لمتابعيها، بعد انتقاد بعضهم لها، وتعرضها للهجوم، بسبب مشاركاتها المستمرة عبر «تيك توك»، وعدم ظهورها في الأعمال الفنية الفترة الأخيرة.

وقالت مها أحمد في بث مباشر لها عبر "تيك توك": "أنا جبلة مش بيحوق فيا أي تنمر، وباخد برشام التناحة، وبسف على السفافين وأحب أطلعهم على المسرح، لأنكم متنمرين ولسانكم قليل الأدب".

واضافت الفنانة: "شغلي على التيك توك وعلى أي برنامج مش هسيبه طول ما فيه فلوس مش هسيبه لأنك مش هتنفعيني أنا عندي ليلة كبيرة."

وواصلت: "انا من الدرب الأحمر، من الحلمية والسيدة عائشة والسيدة زينب، وأهلي نصهم مقاولين وصنايعية ونصهم وزراء وضباط، يعني أنا مخلطة، أبويا مقاول وكان بيأكلني في القصعة، فأنا متربية كويس أوي أعرف أمتي أرد أزاي أخد حقي".

وتابعت أحمد: "مش هينفع أتعالج على نفقة الدولة مع إني فنانة، ومن حقي لكن لو ده حصل هتتنمروا وتقولوا بتاخد دوا الغلابة لكن أنا عايزة أعالج نفسي بنفسي، وأعمل علاقات مع الناس الجامدة والداعمين الجامدين بره، يمكن أسافر اشتغل بره ويمكن شيخة تشوفني وتشغلني عندها ليه لأ، أنا عندي طموح أشتغل عند الناس بره مش هنا، علشان أنتم متنمرين، ومش هتقولوا دي ست بـ100 راجل بتشتغل وتكسب أنا هتفسح وهدلع وهكيدكم، وأنا قاعدة وأي مكان فيه شغل وفلوس أنا قاعدة".

وانقسمت تعليقات الجمهور على تصريحات مها أحمد بين مؤيد ومعارض.

وكتب احد المتابعين: «لو حد معاه رقم تليفون الفنان مجدي كامل ينصحه بفصل الراوتر عن زوجته مها أحمد عيب ما يصحش كده».

وقالت متابعة أخرى: «هل ده أسلوب توضيح وجهة نظرها ربنا يهديها هي وغيرها».

يشار إلى أن آخر أعمال الفنانة مها أحمد مشاركتها في مسلسل "بيت الشدة" الذي عرض عام 2022، من إخراج وسام المدني، وتأليف ناجي عبدالله، وشارك فيه وفاء عامر وأحمد وفيق وإيهاب فهمي ومحسن منصور وغيرهم من الفنانين.