مسلم: بحب الفلوس أوي وبشتري لبس بـ 200 ألف جنيه في الشهر

الموجز    

اعترف مطرب المهرجانات مسلم بحبه الشديد للمال، حيث قال: “بحب الفلوس أوي وعندي شهوة الشغل والفلوس”.

وفي حواره ببرنامج "أسرار" مع الإعلامية أميرة بدر المذاع على فضائية "النهار" مساء الثلاثاء، قال مسلم: "أنا مدير أعمالي، ومحبش الناس اللي بتقول الفلوس مش كل حاجة لأن الفلوس بتعمل كل حاجة، وقادرة تخلي الناس اللي مكانتش بتبصلك، تبصلك، وعشان انا متربي تربية مش شبه الجيل ده انا واللي شغالين معايا، فبالنسبه ليا الفلوس مش كل حاجة، لكن دلوقتي بقيت اعتمد أن الفلوس كل حاجة". 

وأضاف مطرب المهرجانات: “شوفي كام واحد قال الفلوس مش كل حاجة لما مسك فلوس بقى ايه، ناس كتير اتغيرت، أصل منغير فلوس هنعمل ايه، لو مشتغلش على نفسي واتعب واجيب فلوس واتطور واطلع واركب احسن عربية واسكن في أحسن بيت والبس أحسن لبس، الناس اكيد مش هتعمل لك حساب”

وتابع: "رأيي في محمد رمضان إنه ناجح، واللي بيعمله حرية شخصية، لكن عمري ما اعمل كده، لأنى بعمل الفلوس لنفسي، محبش حد لسه بيحاول يجتهد يشوف اللي عندي ويزعل ويضايق، لاني كنت مكانه في يوم من الايام".

كما كشف مسلم عن حبه للملابس: "بحب الموضة لكن عمري ما ألبس حلق ولا أدق وشم، ولبسي الغريب متطلبات شغلي لكن مش بمشي بيه في الشارع".

وأوضح: "كان نفسي في حاجات قبل ما اتشهر، وبقيت مدمن لبس و24 ساعة في زارا، وروحي فيه، وفي حاجات بجيبها من بره، وزارا بجيب منه لبس اجمد من جوتشي وديور، وانا بعشق اللبس، وبشتري ب 200 ألف جنيه في الشهر لبس".

وواصل مسلم: "يوم الخطوبة لبست شيفون عشان مختلف وبحب الحاجة الغريبة، وطلعت في حفل العلمين بكروب توب، وبحب الحاجات المجنونة دي والهجوم نجاح، والعرق الصعيدي ده للحاجات التانية".