«كانت بتجيب ليا لبس وتديني فلوس».. أيمن بهجت قمر: عمري ما أنسى اللي شريهان عملته معايا

الموجز   

أعرب الكاتب والشاعر أيمن بهجت قمر عن إشادته بمواقف الفنانة شريهان في بداية مشواره.

وخلال حواره مع الإعلامية منى عبدالوهاب في برنامج "أن والقناع" المذاع عبر فضائية "الحياة" مساء الجمعة، قال أيمن بهجت قمر: "كانت بتاخدني أنزل أجيب لبس وتبعتلي ناس يبيضولي الشقة، وحاجات رفاهيات غير الفلوس اللي كانت بتديهالي."

وأضاف الشاعر الغنائي: "مرة اتخانقت مع مرات خالي، وبيت في قسم الدقي، ولما كلمت صاحبي من الشباك قلت له كلم شريهان، كانت السند وهي من أجدع وأوفى الناس، بسميها شريهان جدا".

وأضاف "قمر": "لو والدي كان عايش كان هيرد أمي تاني، بعد طلاق 13 سنة، وأنا كابن كان نفسي دا يحصل، عمري ما شوفت أبويا وأمي في كادر واحد".

وواصل أيمن بهجت قمر: "بعد ما والدى توفى في 3 يناير 1989، أمي اتطلقت من أبو أخواتي في شهر 5، المرحوم عادل صادق، وأبويا لو موجود في السنة دي كان هيرد أمي".