«ارتبطت بواحد مكنش معاه 3 آلاف جنيه» .. منة فضالي: مش عارفة هتجوز ولا لأ

الموجز

كشفت الفنانة منة فضالي، رفضها تجميد بويضاتها، وقصة ارتباطها بشخص كانت تصرف عليه.

وقالت منة، ببرنامج VIP : "فكرت في فترة ما ولكن كل الناس قالتلي أعمل تجميد بويضات ولكن اتقالي بيأثر على الست، وأنا لسه مش عارفة هتجوز ولا لأ،

وأنا صعب جدًا حد يتعامل معايا ومحدش عارفني كويس عشان يتعامل معايا، فبالتالي مبيستمروش، ولازم يعرفوا ايه اللي أنا بحبه قبل اللي بكرهه".

منة فضالي تابعت: "طبعا اتعرضت للخيانة ودي قصة معروفة قفشته وحسيت إن في حاجة مش تمام ولقيت فضائح، أنا بحترم الراجل جدًا ومش ضده بل بالعكس،

ودايمًا بشوف الراجل لما بيشوف واحدة على مراته يبقى العيب من الست أو هي اللي بتضطره إنه يبص برة أو عينه فارغة".

وأضافت منة: أنا مسرفة جدًا ولازم اللي يجيلي يبقى جيبه مليان، وأنا ارتبطت بواحد مكنش معاه 3 آلاف جنيه في جيبه، وصرفت عليه فلوس كتير،

ومكنتش ناصحة وكنت صغيرة، نبقى خارجين مثلا ويحصل موقف ويخلع بطريقة ما.

تشارك منة فضالي في دراما رمضان 2023 بمسلسل "جعفر العمدة" بطولة محمد رمضان وزينة ومي كساب وإيمان العاصي وأحمد فهيم وهالة صدقي وعدد من الفنانين ومن إخراج محمد سامي.