«أصغر مني بـ 10 سنين».. مي سليم: رفضت الزواج من مهاجم النادي الأهلي

الموجز    

كشفت الفنانة مي سليم عن رفضها مهاجما هدافا بالنادي الأهلي لأنه أصغر منها 10 سنوات.

وخلال حوارها في برنامج "العرافة" مع الإعلامية بسمة وهبة والمذاع عبر فضائية "المحور" مساء السبت، قال مي سليم: "دي معلومة محدش يعرفها خالص، شيخ العرافين عرف منين؟! إلا بقى لو أختي ميس بتسرب لك معلومات أو بترشيها".

وأضافت الفنانة: "أنا مرتبطة بحد من الوسط الفني وبيقولوا له يا دكتور، وممكن تبقى الجوازة التالتة"، لترد عليها بسمة وهبة: "اتشطرتي جدا واتغيرتي تماما".

وأوضحت أن الفنان محمد رجب غضب منها وحظرها على مواقع التواصل الاجتماعي، بسبب مسلسل ضربة معلم.

وقال لها "شيخ العرافين": "الفنانة لوسي مش بتحبك وقالت لك في مسلسل ولي العهد أنا مبحبكيش"، واعترفت مي سليم بصحة الواقعة، حيث قالت: "ازاي عرفت كل ده؟! دي من سنين، دي جامدة أوي، كانت واخدة موقف جامد مني ومكنتش حباني، وسألتها ليه مش بتحبيني، قالت لي آه مش بحبك أنا بحب أختك، دمك تقيل على قلبي، فقلت لها أنا بحبك ومبسوطة أوي إني بشتغل معاكِ، وبعد كده صعبت عليها وبدأت تتكلم معايا".