صابرين ترد على سؤال بشأن طلاقها من زوجها وسفره لأمريكا: «هو أنا اتساب برضه؟»

الموجز   

أجابت الفنانة صابرين على سؤال من "شيخ العرافين" في برنامج "العرافة" الذي تقدمه الإعلامية بسمة وهبة والمذاع عبر شاشة "المحور" مساء الأحد، بأن زوجها تركها وسافر لأمريكا لمدة سنة.

وتساءلت صابرين: "ودي فيها إيه طيب؟"، ليرد بسمة وهبة: "علشان كنتم مطلقين".. وردت الفنانة بالقول: "إيه اللي بتقوله ده؟ ده اتجنن ده ولا إيه.. علشان تعرفي يا دكتور أنا مش مستحملاه من قليل.. أعوذ بالله ده أنا لسه بشكر فيه.. معقولة أكون مطلقة وأشكر في طليقي!"

وأضافت الفنانة: "سابني سنة كاملة علشان كان عنده شغل"، فردت بسمة: "سابك سنة؟"، لترد صابرين: "أيوه سابني سنة بس هيكون اتجوز عليّ واحدة أمريكانية يعني.. معقولة أنا اتساب يا بسمة؟".

وردت الإعلامية قائلة: "لا ده أنت ست الستات.. بس ده ما يمنعش إني أقول: أنت مصدقة نفسك؟".

وأضافت صابرين: "أنا واثقة في طارق وطارق واثق في.. واحنا متفقين أن لو مش قادرين نكمل مع بعض نعترف لبعض."

ورداً على سؤال بسمة عن إنه عاجز عن أنه ينزل من أمريكا خلال السنة دي يشوفها، قالت: "طارق كان المفروض يعمل فحص على صحته لأنه كان تعبان شوية، وأنا ماروحتلوش لأني كنت في فترة كورونا وبصور والأولاد عندهم مدارس.. بس مش هطلق برضو".