فيديو صادم.. طفل يقسو على والده في جلسة الرؤية: ايوة لازم أحب حد بفلوس.. انت عايزنى أحبك ببلاش؟
الموجز
تداول رواد مواقع التواصل الاجتماعي مقطع فيديو صادم لاقى كثيرًا من ردود الفعل السلبية، بسبب قيام والد بنشر فيديو لإبنه أثناء الرؤية، يشتكي فيه من عدم احترامه له ورغبته في الحصول على الأموال مثل والدته.
الفيدجيو تم تصويره من قبل الأب في أحد مراكز الشباب أو الأندية الرياضية، وظهر فيه تعامل الطفل بشكل سيء مع والده، بعدما انفصال عن والدته وترك لها الطفل لتربيته.
وأظهر الفيديو حواراً بين الأب والإبن حيث حاول الأخير الحصول على "لعبة" أو مبلغ 50 جنيهًا، مقابل الرضاء عن والده ويقول "أنا بحبك".
وقال الطفل لوالده: "تيتة مش بحبها عشان مش بتعملي حاجة.. عايزاني أحبكم ببلاش"، ليسأله الأب: ""يعني انت عايز تحب حد بفلوس؟.. مين علمك الحاجة الوحشة دي؟"، فرد ابنه: "أنا اللي علمت نفسي كده أيوة لازم أحب حد بفلوس".
وأضاف الابن في حديثه: "العيال بيحبوا أبهاتهم عشان كل يوم يجيبوا ليهم لعبة"، ورد الأب بالقول: "أنا ليه بحبك؟ هو انت ادتنى فلوس؟ عايز افهم ممكن تجاوبني".
وحاول الأب ترضيه وتهدئة ابنه بوضع يديه على رأسه، إلا إن الطفل عامله بشكل سيء ومهين، قائلاً له: "شيل ايدك من عليا، أنا بحبك عشان بحبك وخلاص، وكل واحد مختلف عن التاني".
ووجه الأب سؤالا لإبنه: "لية مصمم تاخد الحاجة الوحشة؟"، إلا أن رد الطفل كان سيئًا: "أنا كده يا سيدي.. أنا كده بتاع فلوس، انت عايزنى احبك ببلاش؟، يا تجيب اللعبة يا تجيب الخمسين جنيه".
ومجدداً، حاول الأب تهدئة ابنه قائلًا: "بلاش تعمل كده ماما كانت بتعمل زيك تقولي هات فلوس وأحبك أو أقعد معاك أنا زهقت منها وسبتها، ولو بقيت كده هزهق منك وأسيبك، طول ما أنت وحش هسيبك وانا بحبك من غير فلوس".
ورد الطفل على والده بشكل غير لائق، قائلًا: "هنقعد نهبل ولا هنستهبل ولا هنتمرقع"، ليرد الأب في نهاية الحوار قائلاً: "مش عايز أعرفك خالص طول ما انت قليل الادب، روح قول لجدك اللي رباك انتا ربتني تربية وحشة.. امشي يلا أنا زهقت منك".