جبرتي بخواطر رجالة مصر المساكين.. جمال شعبان يرد على تصريحات ياسمين عز

علق دكتور جمال شعبان، عميد معهد القلب السابق على تصريحات الإعلامية ياسمين عز، بشأن لومها على السيدات بسبب الانفعال على أزواجهن لدخولهم إلى المنزل بالجزمة.

وكتب جمال شعبان رسالة لياسمين، قائلا عبر حسابه بالفيس بوك: “ربنا يجبر بخاطرك يا بنتي ..زي ما جبرتي بخواطر رجالة مصر المساكين”.

وكانت الإعلامية ياسمين عز قالت في برنامجها: "البيت بفلوس الراجل وتيجي مراته تقوله اقلع الجزمة علشان السجادة.. ده أنا أحط فساتيني الماركات تحت رجله يمشي عليها… وبتزعقي لجوزك ليه عشان بيدوس على سجادة الصالون بجزمته.. ما هو جايبها بفلوسه!!."

ووجهت ياسمين عز، محموعة من النصائح المهمة للزوجة في كيفية التعامل مع زوجها، حتى تنعم بحياة زوجية سعيدة.

قالت ياسمين عز، في برنامج "كلام الناس" الذي تقدمه عبر شاشة "MBC مصر": "ليه معظم الستات بتتغير بعد الجواز؟ اعرف ستات لما اجوزهم ينزلوا الشغل ولا بيعبروهم، وكأن لسان حالها يقول له المركب اللي تودي طبيعي بعد كدة إن الراجل لما يروح الشغل ويلاقي واحدة بتبتسم له يعجب بيها، وترجعوا تسألوا الرجالة عينها زايغة ليه؟".

وتابعت: ما هو شايف بوز أد كدة طول النهار أدامه، أول ميرجع جوازها للبيت، بدل ما تسأله عملت أيه انهارده، بتبقى قاعدة قمطة دماغها بتقوله ايدي وجعاني والعيال تعبوني ومش قادرة اتكلم، ليه لما حد يجي من أهلك الولائم تشتغل والأصناف والأشكال تظهر، وفي الأيام العادية مفيش حاجة بتتعمل للراجل الشقيان اللي طالع عينه، فين ايام لما كانت الست تدي لجوزها الجزء الكبير من الفرخة وتاكل بقيتها هي والعيال، فين أيام ما الست كانت بتدي لجوزها الحتة الكبيرة في الفرخة وتاكل الباقي هي وعيالها.

واستكملت: دايما حسسيه باللمسة بتاعتك في حياته وفي شكله وفي هدومة علشان دايما يكون محتاج ليكي، مبقيتيش تفتحي دولابه إلا علشان تفتشي في هدومه وتطلعي كام حاجة تعمليها فوط للمطبخ أو تمسحي بيهم البلاط.

وتابعت: لو اهتميتي بجوزك نص الاهتمام اللي بتديه لـ غسيل السجاجيد والمواعين وتنضيف الشيش والبلوكانات، عمره ما يبص لواحده غيرك، خلي الراجل اول ما يشوفك يحس انه ساب الضغط والتعب والمشاكل وداخل الجنة بتاعته، مش تزعقيله وتقوليله اوعى تدوس على السجادة واقلع الجزمة بره، ما هو جايبها بفلوسه.

تعليقات القراء