طلعت بطة.. مهرجان ’’شيماء‘‘ يثير السخرية.. وأول ظهور لصاحب الكليب (فيديو)

كتب: ضياء السقا

أثار كليب مهرجان "شيماء"، حالة من الجدل والسخرية عبر مواقع التواصل الاجتماعي، بعد تداوله على نطاع واسع ليتصدر التريند.

وحقق الكليب على قناة منتج الأغنية «دنجوان برودكشن» بمنصة «يوتيوب» أكثر من مليون مشاهدة، خلال 4 أيام، وأصبح حديث وسخرية رواد مواقع التواصل الاجتماعي، محاولين البحث عن شيماء، مكتشفين في نهاية المهرجان أنها ليست فتاة بل «بطة».

مغني الكليب يدعى يوسف سوستة، حيث ظهر بملابس بسيطة مرتديا "شبشب" وهو يتجول في الشوارع بحثا عن "حبيبته" ليتضح في النهاية أن شيماء مجرد "بطة".

وما أثار سخرية الجمهور أيضا هو ظهور "سوستة" في أحد المشاهد وهو يقوم بشرب مياه غازية على طريقة "الخمور".

ومن كلمات الكليب الغنائي: "إرجعي متخافيش ، الشارع والحواري ماشي أنا مش داري، بقيت أقول مواويل".

أول ظهور لسوستة

من جانبه، قال يوسف سوستة، إن مهرجان "شيماء" هو اسكتش كوميدي ولم يكن يتوقع أن يحقق هذا النجاح، لافتا إلى أنه حاصل على دبلوم سياحة وفنادق.

وأضاف سوستة، خلال مداخلة هاتفية مع الدكتور معتز عبد الفتاح مقدم برنامج "تحت الشمس" عبر قناة "الشمس": "أنا شغال في مجال الأفراح من بدري، بغني كلام الشارع القديم والمهرجانات، كلام بتاعنا إحنا الناس البسيطة، أنا ساكن في عين شمس، وأنا لازم أكون ماشي مع مود الناس اللي وصلتني للي أنا فيه دلوقتي".

تابع: "الإيفيه بتاع شيماء جِه من بساطة الشارع، وقصدت إن الناس تضحك وتنبسط وبس، كل الناس بتدور على شيماء لحد ما يكتشفوا في الآخر إنها بطة.. وأنا بشكر أي حد وقف جنبي من أول ما ابتديت لحد المرحلة اللي أنا فيها دلوقتي".

شاهد الكليب: https://youtu.be/NjJtm98NZlU

تعليقات القراء