عمرو أديب عن حادث قطاريّ المنيا: إزاي قطار ميشفش قطار تاني على نفس القضيب وإحنا في 2024

الموجز  

علق الإعلامي عمرو أديب، على حادث قطار المنيا الذي وقت اليوم وأسفر عن حالتي وفاة و21 مصابًا.

وقال أديب خلال برنامجه «الحكاية» عبر شاشة «mbc مصر»، مساء الأحد، إن الدولة استثمرت أموالًا كثيرة من أجل تطوير مرفق السكة الحديد، لكن العمل لم يكن بالشكل المطلوب على تنمية القدرة البشرية.

وأضاف: «كل اللي إحنا عاوزينه هو إننا نعرف ليه القطار مش بيشوف التاني.. إزاي قطار ميشفش قطار تاني على نفس القضيب وإحنا في سنة 2024.. هل مفيش عندنا التقنية دي».

وشدد أديب على ضرورة استبعاد نظرية المؤامرة في حوادث القطارات، موضحًا أن تقدم الدولة لن يتحقق عبر إلقاء الشماعات.

ولفت إلى أن أكثر مرافق الدولة التي جرى الإنفاق على تطويرها هو مرفق السكة الحديد، مجددا القول: «عاوزين القطر يشوف التاني.. إحنا عندنا مش بيتقال عندنا قطرين خبطوا بعض لكن بنقول قطرين مخبطوش بعض».