«الموضوع مش عبقرية إسرائيلية دي خيانة».. عمرو أديب يرد على نتنياهو بشأن اغتيـ.ال حسن نصر الله

الموجز  

أكد الإعلامي عمرو أديب، أن اغتيال حسن نصر الله الأمين العام لحزب الله اللبناني، في ضربة إسرائيلية على الضاحية الجنوبية في بيروت، يدل على وجود خيانة عظمى، معقبًا: «وطبعًا إحنا عارفين من هو الخائن الأكبر، اللي سابهم خالص».

وقال أديب، خلال تقديم برنامجه «الحكاية» عبر فضائية «MBC مصر» مساء السبت: «إزاي الأمور وصلت لكده، إسرائيل قالت جالنا معلومة ذهبية، دي مش ذهبية، دي بلاتينية ألماسية، هو تليفون الفيل في المنديل، انتهينا».

وأضاف الإعلامي: «الراجل وكل اللي معاه يتباعو كده، ويقولك الحزب عنده شك في وجود جواسيس داخله، هو مين اللي قتل هنية، وقبلها قاسم سليماني».

وأوضح عمرو أديب: «الموضوع ليس عبقرية إسرائيلية ولا عظمة ولا أي شيء، اللي حصل هو معلومة، ده معاه العنوان بالضبط، يا نهار أسود ومنيل، إزاي الأمور وصلت لكده، ويطلع نتنياهو، ويقولك بخنخناخ… ولا بخنخناخ ولا حاجة، دي خيانة عظمى».