«ناس بتغرم فلوس على الفاضي».. مبروك عطية يرد على متصل: مفيش حاجة إسمها عمل

الموجز    

رد الدكتور مبروك عطية، العميد السابق لكلية الدراسات الإسلامية بجامعة الأزهر، على سؤال من متصل: «هناك مشاكل بيني وبين زوجتي، وبعض الشيوخ قالوا إن معمول لها عمل بالطلاق، والعمل مش هيروح غير لما تنفصلوا عن بعض».

وخلال برنامج «اعرف دينك»، قال الدكتور مبروك عطية: «مفيش حاجة اسمها عمل، ما هو الشيء الذي يستطيع منع رحمة ربنا الله إذا أراد ينزلها على عباده».

وأضاف الآية الثانية من سورة فاطر: «مَّا يَفْتَحِ اللَّهُ لِلنَّاسِ مِن رَّحْمَةٍ فَلَا مُمْسِكَ لَهَا ۖ وَمَا يُمْسِكْ فَلَا مُرْسِلَ لَهُ مِن بَعْدِهِ ۚ وَهُوَ الْعَزِيزُ الْحَكِيمُ»، مستطردا: «أستحي وأنا أقرأ الآية الثانية من سورة فاطر، أقول في عمل؟! لما ربنا لما يفتح محدش يمسك، مفيش حاجة تحوش رحمة ربنا».

واختتم عطية: «لا ملك ولا نبي ولا جن أزرق ولا جن بنفسجي ولا عمل ولا معملش، ناس بتغرم فلوس على الفاضي، اللي عنده يقين بربنا لا يضره إلا شيء قد كتبه الله عليه».