لميس الحديدي تبكي وتكشف كواليس إصابتها بالسرطان

كشفت الإعلامية لميس الحديدي أسباب إخفاء إصابتها بمرض السرطان عن الجمهور، قائلة: «لما يجيلك كانسر بتستخبى، ومبحبش أتكلم عليه».

وأجابت لميس الحديدي خلال برنامج منا وفينا، على سؤال سبب إخفاء مرضها عن الجمهور باكية: «ليه بتجيبي السيرة دي؟! مش لازم الناس تعرف دا من 10 سنوات، ودا وجع يخصني وأخاف الناس تقول بتاجر بحاجة».

وأضافت لميس الحديدي: «أنا خبيت المرض على ابني لحد ما كبر، ولما بيجيلك كانسر، بتستخبي، وعندي زرار جوايا بدوس على أي حاجة عايزة أنساها، يعني لو حد ضايقني بعد سنة ممكن أسامحه».

وواصلت لميس حديثها قائلة: «لما عرفت إني مريضة عشت كابوس وقلت هيعدي، ومن النعم اللي في حياتي بجانب ابني إن ربنا أخد بإيدي من المرض، وأمي وعمرو أديب وقفوا جنبي في تلك الفترة، وأصدقائي وعيلتي وبعض المقربين مني».

وأكملت: «صحابي كانوا بييجوا خلال جلسة العلاج، يعملوا حفلة، وكنت بخلص الحفلة وأسجل حلقة الأستاذ محمد حسنين هيكل، وكان من ضمن الأشخاص الداعمين ليا، وأسرته وقفت بجانبي، ولم أغب في أي يوم عن الجمهور».

وأضاف لميس الحديدي، خلال برنامج «منا وفينا»، قائلة: «كلمتي هي اللي بتمشي في البيت في الأمور الكبيرة والصغيرة، ولكن بعد استشارة عمرو أديب».

وأشارت لميس الحديدي، إلى أن أسرتها أسرة عادية ولها مواعيد ثابتة في كل شيء، حتى موعد الأكل، لافتة إلى أن الأسر تتحدث دائمًا عن الأخبار، مردفة: نحن نسافر كثيرًا.