أحمد موسى عن أزمة تخفيف أحمال الكهرباء: المواطن عمال يشيل كتير هيلاقيها منين ولا منين

الموجز  

طالب الإعلامي أحمد موسى، رئيس مجلس الوزراء الدكتور مصطفى مدبولي بالكشف عن استراتيجية الحكومة الجديدة في التعامل مع أزمة انقطاع الكهرباء أمام الرأي العام، حيث قال: «الكهرباء أمن قومي لا تقل خطرا عن رغيف العيش، ممكن مواطن يستغنى عن العيش؛ لكن ميقدرش يعيش بدون كهرباء في بيته».

وخلال تقديم برنامجه «على مسئوليتي» المذاع عبر فضائية «صدى البلد» مساء أمس الثلاثاء، قال موسى: «المرضي في البيوت هتعمل إيه، الناس بعتالي رسائل تقطع القلب مفيش هواء الشباك بيدخل نار، وكبار السن مش قادرين يتنفسوا!».

وانتقد الإعلامي تحميل المواطن أعباء الأزمات الاقتصادية، حيث قال: «لا يمكن نشيل المواطن كل شوية، المواطن عمال يشيل كثير حمل هيلاقيها منين ولا منين! المواطن له الحق في الكهرباء وفي حياة كريمة مقدرش أظلمه ولا أحمل عليه».

وشدد على أن المواطن تحمل كثيرًا من أجل وطنه، ضاربا مثالًا على ذلك بتقبله زيادة سعر رغيف الخبز، قائلا: «المواطن لما زاد عليه رغيف الخبز قال البلد عايزة، وأنا مع البلد، بتحرك في أي حاجة مبيقلش لأ، المواطن طيب حتى لو اشتكي فهو علشان عايز الأفضل، الحكومة مطالبة تقولنا هتعمل إيه في أزمة الكهرباء؟».

وسخر موسى من طريقة تعامل محافظة القليوبية مع أزمة الكهرباء، وذلك بعد نشر بيان رسمي تعلن فيه زيادة ساعات قطع الكهرباء إلى 3 ساعات قبل حذفه سريعًا؛ بسبب الهجوم عليه عبر مواقع التواصل الاجتماعي.

وعلق أحمد موسى: «هو البيان سر ما أنت نزلت البيان حذفته ليه! إيه الذكاء أنت تنشر بيان وبعدين تخفيه ما أنت قطعت خفت من إيه.. قولوا للناس والله لما تقولوا لهم الناس هتتحمل ما هو اتحمل الساعة والساعتين واتحمل الثلاثة لكن 3 كفايا».