ارحموا الناس مفيش حتة في العالم زينا .. عمرو أديب يصرخ على الهواء بسبب الأسعار: انتوا تجار حرب
الموجز
عقب الإعلامي عمرو أديب عن ارتفاع سعر صرف الدولار في السوق السوداء، قائلا: النهاردة هو أعلى سعر للدولار من أول ما ابتدينا السوق السوداء فى مصر.. ومن أول الثمانينات لغاية النهاردة".
وأضاف أديب، خلال برنامجه "الحكاية"، عبر فضائية "إم بي سي مصر"، مساء الإثنين: الرقم غريب ومحدش فاهم حاجة.. الناس لما تطلب مفيش بالرغم من تباطؤ فى التضخم جراء الركود، متسائلًا: فيه بلد التضخم بتاعها يومي؟.. فيه حتة في الدنيا الأسعار بتزيد فيها مرة أو مرتين يوميًا؟".
وأضاف مقدم برنامج الحكاية اليوم، أن هناك ركود تضخمي ولا أحد يقوم بشراء السلع بنفس المستوى السابق، وهناك تقليل في الاستهلاك، مشيرًا إلى أن هناك زيادة في الأسعار والزيادة نعلم أنها غير حقيقية، لافتا إلى أنه لا يوجد تصدي من الحكومة لارتفاع الدولار.
وتابع الإعلامي عمرو أديب: الناس بتتعامل مع الدولار كونه سلعة ووسيلة لتحقيق الربح السريع، لابد من تبريد سعر الدولار من خلال التدخل من الدولة.
دي حرب يا ناس
ووجه رسالة للتجار قال فيها : مافيش موضوع اتقوا الله وخلوا عندكم ضمير ، لأن لو الناس بتشتغل بالأخلاقيات والمبادئ كانت الدنيا اتغيرت، انتوا بتستغلوا الحرب ، انتوا تجار حرب .
وتابع الإعلامي عمرو أديب : دي حرب يا ناس ، والبلد بتقطع من جتتها وتبعت للناس اللي حوليها تيجي انت تستغلني .
وأضاف أديب : هو في بلد الحاجة بتزيد فيها كل يوم ؟