بعد رسالتها بالعبرية.. بسمة وهبة: أنا عملت انقسام في إسرائيل وبجهز رسالة بالذكاء الاصطناعي

الموجز  

ردت الإعلامية بسمة وهبة، على الانتقادات التي تعرضت لها بعد الرسالة التي وجّهتها للإسرائيليين باللغة العبرية، خلال تقديم برنامجها "90 دقيقة" المذاع عبر شاشة "المحور" قبل أيام.

وفي تصريحات لبرنامج "et بالعربي"، قالت بسمة وهبة: "الأطفال اللي بتشوفهم بيصرخوا ويعيطوا ويتضربوا بالرصاص، دا من الأسلحة المُحرمة دوليًا، أنا عملت انقسام في إسرائيل، أصبح فيه ناس مع نتنياهو وناس ضده".

وأضافت الإعلامية: "أنا مش فارق معايا الناس اللي سابت فلسطين واللي بيموتوا واللي بينتقدوا اللغة بتاعتي، دا يدل على نفسيتهم عاملة إزاي، أنا اتكلمت بلغة عبرية ركيكة وأعترف، ولكن المهم إن صوتي وصل، وعايزة أقول للإعلامي الإسرائيلي اللي كلمني باللغة العربية يا عدوي أنت لست عزيزي كما وصفتني بعزيزتك".

وتابعت: "فلسطين عمرها ما هتسيب أرضها، وانسى المؤامرة الممنهجة اللي عاملينها، عشان الفلسطينين يدخلوا سيناء، ولا الفلسطينين هايسيبوا أرضهم، ولا المصرين هايسيبوا أرضهم".

وعن الإعلامي الإسرائيلي الذي تواصل معها، قالت الإعلامية: "اللي عمل الفيديو قالي أنا متشكر جدًا إنك خليتي 4 مليون واحد يشوفوا الفيديو بتاعي، وعايزة أقوله أنا اللي متشكرة إنكم عرفتوا العالم كله بالحقيقة وخليتهم يسمعوا صوتي".

وكشفت بسمة وهبة أنها تستعد لنشر فيديو جديد برسالة ستستخدم فيها الذكاء الاصطناعي، كي تكون مُتقنة، مضيفة: "بجهز رسالة جديدة لكن المرة دي بلغة عبرية مُتقنة، عملت الفيديو عشان عندي نية معينة مش عشان التريند، أنا مش بعد النجاح دا كله هادور على تريند!".