تامر أمين عن سعر هاتف آيفون 15 برو ماكس: لو هركبه أروح بيه الشغل ماشي أجيبه
الموجز
علق الإعلامي تامر أمين على سعر هاتف آيفون الجديد Iphone 15 pro max في مصر والذي وصل إلى نحو 100 ألف جنيه.
وقال "أمين" خلال تقديم برنامجه "آخر النهار" المذاع عبر فضائية "النهار" مساء الإثنين،: "أنا أنام وأصحى ألاقي تليفون نازل بـ 100 ألف جنيه، أسعار الموبايلات 20 و30 ألف جنيه وأنا بقول أسعارها عالية، ألاقي تليفون بـ 100 ألف جنيه".
وأضاف الإعلامي: "موبايل بـ100 ألف جنيه! ده بعد كده الموبايل أدخله في عربية، مش قادر أصدق إن بقى بيقول الرقم ده في تليفون، ده تحويشة عمر عند أسر كتير دلوقتي".
وواصل: "زمان كنا بنقول للشاب شد حيلك واشتغل عشان تجيب مهر وشقة، دلوقتي أقوله اشتغل عشان تجيب موبايل… والمصيبة ألاقي طوابير ناس بايته من الساعة 7 الصبح عشان تشتري التليفون الجديد، الفشخرة واخداكم أوي كده".
ولفت تامر أمين إلى أن النسخة الجديدة لهاتف آيفون ليست بها فوارق كبيرة مقارنة بالنسخ الماضية، مضيفا: "لو هركبه أروح بيه الشغل ماشي معنديش مشكلة أجيبه، لكن أجيب تليفون عشان المنظرة والفشخرة، أضيع شقى عمري عشان أجيب التليفون ده".