«اي محاولة للاحتفاظ بالعملات الأجنبية هتضرك بشكل مباشر».. يوسف الحسيني: الناس بتخزن الدولار وبعدين تشتكي

الموجز  

انتقد الإعلامي يوسف الحسيني، قيام الكثير من الأشخاص بشراء الدولار وتخزينه وتحويل مدخراتهم بالجنيه إلى دولار أو ذهب، من أجل المضاربة على الأسعار.

وخلال تقديم برنامجه "التاسعة" المذاع عبر القناة الأولى المصرية مساء الإثنين، قال الحسيني: "اي محاولة للاحتفاظ بالدولار هتضرك بشكل مباشر على المدى القصير أو الطويل، واللي حول دولارات وضارب على أسعار الذهب الفترة الماضية، النهاردة بيقولوا اية الاسعار اللي زادت والدنيا غليت، لا دا انتا بسبب سلوكك الفردي ساهمت في هذا الأمر".

وأضاف الإعلامي: "أنا قلت الدولار مش هيزيد عن 20 جنيه في 2017 وفعلا وصل لـ19 و 15.5 جنيه لكن موصلش لـ20 جنيه، يوسف قال في سبتمبر 2021 روحوا البنوك بيعوا الدولار اللي معاكم"، متساءلًا: "هو المفترض الدولار يتخزن تحت البلاط وفي الدولاب وتحرم المؤسسة المصرفية منه، وبعدين تلاقي المستوردين عندهم أزمة وعايزين دولار".

وتابع: "عشان الناس مخبية الدولارات بيحصل ندرة في هذه العملة الأجنبية وبعدين يحصل زيادة في السوق الموازية "السوداء"، ولما سعره يزيد هتبقى مضغوط وبعدين بترجع تشتكي وتغني ظلموه، دا غير أنه ظهرت في السوق دولارات مزورة من كتر النهم على شراء الدولار".

وأكد يوسف الحسيني أن "العملات الاجنبية مكانها البنوك مش البيوت وهذا الأمر لحماية الاقتصاد، وأنا بقولكم اهو السوق السوداء هتضرب يعني هتضرب ونزلت أسعاره شوفوا الدولار بقى بكام دلوقتي".