«خلوني أقولكم الحكاية».. عمرو أديب يروي تفاصيل واقعة مستشفى قويسنا المركزي

الموجز  

علّق الإعلامي عمرو أديب، على واقعة الاعتداء على طاقم التمريض بمستشفى قويسنا المركزي بمحافظة المنوفية.

وقال أديب، خلال تقديم برنامجه "الحكاية" المذاع عبر فضائية "إم بي سي مصر" مساء السبت،: "الطواقم الطبية والأطباء الاعتداء عليهم مش هيخلص وهيفضل كده.. واللي بيحصل كتير".

وأضاف الإعلامي: "خلوني أقولكم الحكاية حسب تقرير المستشفى، أولًا ضابط طيار كان واخد مراته في عيادة طبيبة أمراض ونساء اللي بتتابع الحمل بتاع هذه السيدة، الست دي حامل في الشهر التالت أو الرابع، والطبيبة نصحتهم إنهم يروحوا المستشفى أفضل عشان حالتها."

وتابع: "اللي بقوله من تقرير المستشفى، الساعة 4 وتلت دخلت السيدة ومعاها عددا من أقاربها ودخلوا على الاستقبال وقالوا محتاجين طبيب عشان حالتها صعبة، كان فيه اتنين دكاترة، وكانوا موجود في حالات قيصرية وفي هذا الوقت طلب منهم الحالة اللي في الطوارئ يشوفها لحد ما دكتور يطلع من الطوارئ."

وواصل أديب: "بدأوا يعملوا ليها تحاليل دم وأشعة والأشياء الإجرائية، شوية وجه طبيب من الاتنين الموجودين، قال ايه الحكاية لقى صوت خناقة بين الاتنين الأسرة وأطقم التمريض، في نفس الوقت طبعا جوزها وصل ومعاه ناس وابتدى يحصل الاشتباكات المؤسفة اللي شفناها."

وأكمل عمرو أديب: "ضرب الأطقم الطبية بيحصل كتير في بلدنا.. طبعا التسعة اللي تم ضربهم داخل المستشفى راحوا عملوا محضر بالاعتداء عليهن."

وأكد مقدم برنامج الحكاية أن "الاعتداء على الأطقم الطبية في مصر سلو بلدنا للأسف، بتحصل كتير، ضرب الدكاترة والممرضين وتكسير المستشفى يحدث كثيرا ولا نراه".

تعليقات القراء