«عاوزين الناس تعمل إيه؟».. عمرو أديب عن الإصرار على رفع علم المثلية في كأس العالم: طيب وبعدين؟

الموجز  

أعرب الإعلامي عمرو أديب عن استنكاره ارتداء وزيرة الداخلية الألمانية نانسي فيزر، لشارة "المثلية الجنسية"، وذلك خلال حضورها مباراة منتخب بلادها أمام اليابان، ضمن منافسات الجولة الأولى من بطولة كأس العالم 2022.

وخلال تقديم برنامجه "الحكاية" المذاع عبر فضائية "إم بي سي مصر" مساء الإثنين، تساءل أديب قائلاً: ما هي حرية المثلية؟ في إحدى المباريات اليوم، أحد الأشخاص نزل إلى الملعب وعمل حاجة جامدة؛ رفع علم المثلية، طيب وبعدين؟ إيه هو الشيء اللي بتحاولوا تروجوا له؟ عاوزين الناس تعمل إيه؟ إيه الدعوة؟".

وأضاف الإعلامي: "عقلي الضعيف لا يستطيع التخيل، تخيل فجأة يتحول الأمر لدولة عندها مناسبة هامة، أن يكون جزء من هواجسها، حد لابس برنيطة مثلية يقلعها، ودلوقتي يتفننوا في موضوع المثلية، مثلية جاية معايا أهي".

وتابع: "أمر غريب وواضح إنه فرق حضارات، لن نرتقِ لتلك المسألة اللي بيتكلموا فيها.. مش فاهم وكل يوم تزداد حيرتي، قاعد بتتفرج على الماتش وناس بتجري والعرق، تلاقي حد بيقول اتنين مثلية معاك لو سمحت، رش مثلية".

واختتم عمرو أديب تعليقه بالقول: "هو الاختراع ده جديد؟ حاجة زي الآيفون 14 ماكس؟ فجأة تكشف لنا إنه شيء مهم للبشرية، ده البشرية عندها مآسي ومصايب كثيرة".

تعليقات القراء