خرابة بيوت.. عفاف شعيب تنتقد رضوى الشربيني (فيديو)

انتقدت الفنانة عفاف شعيب الموضوعات التي تناقشها الإعلامية رضوى الشربيني في برنامجها موضحة أنها تتسبب في "خراب البيوت".

 

وقالت عفاف شعيب خلال استضافتها في برنامج “البخت”، الذي تقدمه خلود عزمي عبر قناة الشمس: مبحبش كلامها، بتقوم الست على الراجل وتقوم الراجل على الست، في خراب بيوت، البيت بيتخرب بسبب الكلام اللي مالوش لازمة.

 

وأكملت: هي جميلة وبيعجبني وشها وأناقتها، لكن كلامها مبيعجبنيش وكل واحد حر، وأنصحها وأقولها أقري كتاب ربنا أقري القرآن الكريم وتعمقي فيه وأقري أحاديث الرسول وأدرسي فقه المرأة.

 

وأضافت: في ناس هتقول أني مع الرجل لكن أنا مع حق ربنا اللي اتعلمناه من أهالينا أنا شفت أمي بتتعامل مع والدي أزاي وشفت خالتي بتتعامل إزاي مع زوجها، الود والرحمة، اعتبر كل اللي بيحصل بدع.

 

وتابعت: مش كل واحدة مرت بأزمة في حياتها هتنفذ كل دا على بقيت الناس، أنتي شفتي مشكلة يمكن ربنا خصك بيها علشان تصبري، يمكن ربنا عمل كده علشان تقربي منه مش أنك تفرقي بين الزوج والزوجة.

رابط الفيديو: https://youtu.be/vmWSZIbRMXg

تعليقات القراء