متصل يبكي على الهواء: مراتي بتضربني وواخده كل فلوسي.. وتعليق قوي من ياسمين عز (فيديو)

بكى متصل يدعى أحمد من القليوبية، على الهواء، أثناء مداخلة هاتفية مع الإعلامية ياسمين عز في برنامج "كلام الناس" المذاع على قناة "mbc مصر"، بسبب تعرضه للتنمر والضرب على يد زوجته الذي تزوجها منذ 20 عامًا.

وقال باكيًا خلال مداخلة هاتفية ببرنامج “كلام الناس “أنا متجوز من 20 سنة ومراتي بتشتمني وبتضربني وبتمد إيدها عليَّ رغم إني كنت في السعودية وبرسل لها كل اللي هي عايزاه، وعمري ما عملت حاجة غلط معاها”.

وأضاف: “مراتي بتفضل تضرب فيا ومش عارف أعمل معاها إيه، أنتحر يعني ولا أعمل إيه؟ أنا عندي 55 سنة ولما جيت من السعودية بشتغل أي حاجة، ونزلت مصر بعد جائحة كورونا، وخلصت كل فلوسي على مراتي وهي تصرف براحتها، ودلوقتِ بتمد إيديها عليَّ وأنا مش عارف أعمل معاها إيه”.

وتابع : “معايا ولد في الجيش وطالب في الثانوية العامة، وبنت عمرها سنتين، ومحدش من ولادي بيوقف زوجتي عند حدها، وأولادي كمان بيمدوا إيدهم عليَّ، وأنا مش عارف أعمل إيه في أمهم أنا راجل ضعيف ومليش لا أخ ولا حد يقف معايا".

من جانبها علقت الإعلامية ياسمين عز: "اهدأ علشان صحتك، وما تبكيش علشان دموعك غالية، واوعى تفكر في الانتحار، وأنا بقول لك اعمل محضر في زوجتك".

رابط الفيديو: https://youtu.be/aUfXIfpToiM