انتوا جنسكوا ايه؟.. عمرو أديب ينفعل على المدافعين عن المتهم بقتل نيرة (فيديو)

انفعل الإعلامي عمرو أديب، أثناء تعليقه على محاكمة المتهم بقتل الطالبة نيرة أشرف، قائلا: "مستغرب الناس اللي دافعت عن المجرم، دي جريمة قتل مكتملة".

وأضاف أديب خلال برنامج الحكاية مساء الأحد: "الجلسة طلع عنها قرارين أول قرار يوم التلات والقرار الثاني حظر النشر.. وكمية التبريرات اللي طلعت بيها الأشخاص اليوم غير طبيعي، الباشا قتل البنت ونحرها قدام الناس كلها ليه بنتكلم في النص الأولاني.. والناس شافت قال إيه واعترف إزاي، مستغرب الناس اللي دافعت عنه.. دي جريمة قتل مكتملة.

وأضاف الإعلامي: "هناك جريمة قتل يا ناس قولوا اللي انتوا عايزينه، هناك جريمة قتل وذبح انتوا جنسكوا ايه؟ هي عملت في المتهم إيه قالت إمشي مش عايزاك بس، اللي كاتب كلام عن الضحية ومتعاطف مع المتهم عايز الشو فقط".

أكمل أديب: الرأي العام المصري شايف اللي حصل جريمة وحشية، وأغلبنا فاهم القضية رايحة لفين، اليوم القاتل معترف وأسئلة القاضي كمان  في الاستجواب كانت اضحة جدًا وهو قتل واضح وجريمة مكتملة.

تعليقات القراء