إلهام شاهين تعلن تبرعها بأعضاءها بعد الوفاة: «بدل ما ياكلها الدود.. ومعنديش مانع جسمي يتعلم فيه طالب طب»

الموجز    

كشفت الفنانة إلهام شاهين عن رغبتها في التبرع بأعضاءها بعد الوفاة، قائلة: "بدل ما ياكلها الدود".

وفي مداخلة هاتفية ببرنامج "الحكاية" الذي يقدمه الإعلامي عمرو أديب والمذاع عبر فضائية "إم بي سي مصر" مساء الجمعة، إنها توافق على التبرع بأعضائها بعد الوفاة، قائلة: "ماعنديش مانع ياخدوا جثتي بعد ما أموت علشان ده خير للبشرية، وقلت لعائلتي إني بعد ما أموت عايزه أتبرع بأعضاء جسدي".

وأضافت الفنانة أنها تطالب بإنشاء جهة في الدولة تقنن التبرع بأعضاء الجسم بعد الوفاة، مضيفة: "نفسي تنتشر هذه الثقافة، وإيه أهمية جسمنا بعد ما نموت.. هياكله الدود خلاص، لكن لو أنا أقدر أعيش حد من غير ألم ولا أدوية إيه المانع، ممكن حد ياخد الكلى وحد ياخد الكبد وحد ياخد قرنية العين، والجزء السليم عندي لأي حد أنا متبرعه بيه وشايفة إنه خير كبير وصدقة جارية لأني بساعد إنسان يعيش حياة كريمة".

وتابعت: "ليه نستورد القرنية من الصين؟، ما أنا عندي بشر كتير جداً وعددنا كتير، لماذا لا نستفيد من الموضوع ده، ولازم الموضوع يبقى مقنن وأول ما حد يموت ياخدوا قرنيته، ده خير عظيم".

تعليقات القراء