في جانب مفقود من القصة.. علياء بسيوني ترد على فشل زيجات أحمد سعد السابقة (فيديو)

كتب: ضياء السقا

ردت علياء بسيوني، زوجة المطرب أحمد سعد، على الانتقادات التي يتعرض لها زوجها بعد فشل علاقاته العاطفية خلال السنوات الماضية وما صاحبها من أزمات.

وقالت علياء، خلال حوارها مع الإعلامية بسمة وهبة على برنامجها "90 دقيقة"، المُذاع على فضائية "المحور": "أحمد لو كان وحش، كان هيبقى له رد فعل في أي حاجة من المشاكل اللي حصلت، مش معقولة دايما القصة تبقى من طرف واحد، مش معقولة المشاكل كلها تيجي من طرف واحد، في جانب مفقود من القصة، ولو كان وحش كان رد ودافع عن نفسه".

 من جانبه، اعترف أحمد سعد، بوجود بعض الخلافات البسيطة مع علياء بسيوني، في بداية الزواج، قائلاً: "كل المشاكل بتيجي من عندها، انا جوجل، أنا اسم على الفاضي"، لترد بسمة وهبة ممازحة: "صلوا على النبي إحنا جايين نهدي النفوس".

وأضاف سعد : "عشان أقدر أتقدم في حياتي مبقتش أشوف مشاكل في حد تاني، بقيت اشوف عيوبي أنا بس، عيوب الآخرين بتاعتهم، عشان أقدر أرتقي بنفسي، لكن مينفعش أبقى عايش في مظلومية وشماعة".